Ulttyq ekonomıka mınıstri Nurlan Baıbazarov osylaı dedi.
Premer-Mınıstrdiń orynbasary – Ulttyq ekonomıka mınıstri Nurlan Baıbazarov Senat Parlamentiniń kýlýarynda memlekettik qaryz kólemi týraly jýrnalıserdiń suraǵyna jaýap berdi, dep habarlaıdy aqshamnews.kz Ulttyq ekonomıka mınıstrligine silteme jasap.
Vıse-premer óz sózinde Halyqaralyq valúta qory, Dúnıejúzilik bank jáne halyqaralyq reıtıń agenttikteri jyl saıyn Qazaqstannyń ekonomıka damý deńgeıi men qarjylyq turaqtylyq deńgeıin baǵalaıtynyn aıtty.
«Halyqaralyq kredıttik reıtıńterde bolǵan sońǵy ózgerister elimizdiń fıskaldyq, qarjylyq turaqtylyǵyn aıǵaqtaıdy. Bizde Ulttyq qor túrindegi qomaqty valútalyq rezervter jáne altyn-valúta rezervteri bar. Olardyń kólemi qazirdiń ózinde 100 mlrd dollardan asty jáne bul ınvestısıany belsendi tartýǵa múmkindik beretin qarjylyq qaýipsizdik jastyǵy bolyp tabylady.
Biz Memlekettik qarjyny basqarý tujyrymdamasyn qabyldadyq. Onda memlekettik qaryz, tutastaı alǵanda, eldiń jalpy ishki óniminiń 32%-nan aspaýy kerektigi jóninde shekteýler jazylǵan. Qazir bul kórsetkish shamamen 23%-dy qurap otyr, ıaǵnı bul memlekettik qaryzdyń kólemi boıynsha jetkilikti qaýipsiz ári qolaıly deńgeıde ekenimizdi bildiredi», - dedi ol.
Sondaı-aq Nurlan Baıbazarov bul qaryzdy ınvestısıa retinde qarastyrý kerektigin, osy ınvestısıalardy tartý arqyly jalpy ekonomıkany damytýǵa múmkindik beretin aktıvterdi jasaıtyndyǵymyzdy atap ótti.
«Biz jol salamyz, ınfraqurylymǵa ınvestısıa salamyz, jańa óndiristi iske qosamyz. Bul elimizdiń ekonomıkalyq ósýin qamtamasyz etý úshin, bolashaqta ekonomıkalyq damýdyń berik negizin qalyptastyrady», - dedi mınıstr.