Qazir árbir memleketpen kezeń-kezeńmen jumys júrgizilýde
Densaýlyq saqtaý mınıstri Alekseı Soı koronavırýsqa qarsy vaksınanyń qazaqstandyq pasportyn qaı elder moıyndaǵanyn aıtty, dep habarlaıdy Almaty-akshamy.kz Egemen.kz-ke silteme jasap.
«Ár el koronavırýsqa qarsy vaksınasıa pasporttaryn ózara taný úshin óz talaptary men tásilderin belgileýde. Biz osy baǵytta jumys istep jatyrmyz», - edi Soı OKQ brıfıńinde.
Sonymen qatar ol osy ýaqytqa deıin Qazaqstan birqatar memlekettermen vaksınasıa pasporttaryn ózara moıyndaǵanyn habarlady. Olardyń qatarynda Grýzıa, Vengrıa, Qyrǵyzstan, Mońǵolıa, Úndistan, Moldova, Taıland, Túrkıa, Belarýs, Fılıppın, sondaı-aq Vetnam, Egıpet jáne Oman bar.
«Qazir árbir memleketpen kezeń-kezeńmen jumys júrgizilýde. Bul jumys jalǵasýda», - dep túıindedi Densaýlyq saqtaý mınıstri.