19 naýryz ben 24 naýryz aralyǵynda shamamen 86 ret jol qozǵalysyna shekteýler engizildi.
«QazAvtoJol» AQ baspasóz qyzmetiniń aqparatyna sáıkes, respýblıkalyq mańyzy bar tasjoldarda 600-ge jýyq arnaıy tehnıka jumys jasap jatyr, dep habarlaıdy Almaty-akshamy.kz
Qazaqstannyń tórt oblysynda aýa raıy qolaısyzdyǵyna baılanysty jol qozǵalysy jabyldy.
Qazirgi ýaqytta jabyq joldar:
Aqmola oblysy boıynsha:
23 naýryzda saǵat 12.00-de aýa raıynyń nasharlaýyna baılanysty Jezqazǵan - Petropavl tasjolynyń 377-440-shaqyrymdary ýchaskesi: Qostanaı oblysynyń shekarasy – Derjavınsk qalasy boıynsha kóliktiń barlyq túrine qozǵalys shektelgen.
Shyǵys Qazaqstan oblysy boıynsha:
2022 jylǵy 23 naýryzda saǵat 19.50-de aýa raıynyń nasharlaýyna baılanysty Qaraǵandy - Aıagóz - Buǵaz tasjolynyń 707-941-shaqyrymy, Aıagóz qalasy - Buǵaz aýyly ýchaskesinde kóliktiń barlyq túrine qozǵalys shekteldi.
Qaraǵandy oblysy boıynsha:
2022 jylǵy 22 naýryzda saǵat 7.30-da aýa raıynyń nasharlaýyna baılanysty Jezqazǵan - Petropavl tasjolynyń 142-252-shaqyrymy, Sarlyq aýyly - Qostanaı oblysynyń shekarasy ýchaskesinde kóliktiń barlyq túrine qozǵalys shekteldi.
Qostanaı oblysy boıynsha:
2022 jylǵy 22 naýryzda saǵat 7.45-te Qaraǵandy oblysynda aýa raıynyń nasharlaýyna baılanysty Jezqazǵan - Petropavl tasjolynyń 252-340-shaqyrymdary, Qaraǵandy oblysynyń shekarasy - Arqalyq qalasy.
2022 jylǵy 23 naýryzda saǵat 12.00-de Aqmola oblysynda aýa raıynyń nasharlaýyna baılanysty Jezqazǵan - Petropavl tasjolynyń 340-377-shaqyrymynda: Arqalyq qalasy - Aqmola oblysynyń shekarasy ýchaskesinde kóliktiń barlyq túrine qozǵalys shektelgen.
«Aýa raıynyń nasharlaýyna baılanysty joǵary daıyndyq rejımi saqtalady. «QazAvtoJol» qyzmetkerleri joldardaǵy jaǵdaıdy táýlik boıy baqylap otyr. Jóndeý jumystary kúsheıtilgen rejımde jalǵasyp jatyr. Tótenshe jaǵdaı oryn alsa, 1403 qysqa nómirine qońyraý shalyńyz», - dedi baspasóz qyzmeti ókilderi.
Qolaısyz aýa raıynda joldy muzdan tazartýǵa 4 myń tonnaǵa jýyq qum-tuz qospasy jumsalǵan.