Pavlodar oblysynda adam ólimimen aıaqtalǵan jol-kólik apaty boldy
23 naýryzda saǵat 22.50-de Omby-Maıqapshaǵaı avtojolynda, Novoıamyshevo aýylynyń mańynda Toyota Camry avtokóliginiń júrgizýshisi Pavlodar jaǵyna qaraı nashar kóriný jaǵdaıynda joldy belgilenbegen jerden kesip ótken 25 jastaǵy jaıaý júrginshini qaǵyp ketti, dep habarlaıdy Almaty-akshamy.kz Polisia.kz-ke silteme jasap.
Jol apaty saldarynan jaıaý júrginshi oqıǵa ornynda kóz jumdy.
Adam ómirin qıǵan taǵy bir oqıǵa sol kúni saǵat 18.30-da Pavlodar-Lenınskıı avtojolynda boldy. Munda Lada Priora avtokóliginiń 38 jastaǵy júrgizýshisi borannyń saldarynan rúldi basqara almaı, soqtyǵysqan. Jol-kólik oqıǵasy saldarynan júrgizýshi alǵan jaraqattarynan oqıǵa ornynda kóz jumdy. Saraptama taǵaıyndaldy. Barlyq faktiler boıynsha tekserýler júrgiziledi.