Sınoptıkter 11 qazanda qolaısyz aýa raıyna baılanysty respýblıkamyzdyń toǵyz óńirinde eskertý jarıalady, dep habarlaıdy almaty-akshamy.kz.
Astanada batystan, ońtústik-batystan soqqan jeldiń ekpini 15-20 m/s deıin jetedi.
Shymkentte soltústik-batystan soltústik-shyǵysqa oıysa soqqan jeldiń ekpini 15-20 m/s quraıdy.
Aqmola oblysynyń soltústiginde, shyǵysynda batystan, ońtústik-batystan 15-20 m/s jyldamdyqpen jel soǵady dep kútiledi.
Aqtóbe oblysynyń batysy, soltústigi men ortalyǵynda túnde synap baǵany 3 gradýsqa deıin sýyqty kórsetip, úsik júredi dep boljanady
Batys Qazaqstan oblysynyń túnde shyǵysynda, kúndiz basym bóliginde kún raıy jaýyn-shashyndy bolady, jaýǵan jańbyrdyń arty qarǵa ulasýy múmkin. Oblystyń shyǵysynda túnde, batys pen soltústiginde tańerteń kóktaıǵaq bolady dep kútiledi. Óńirdiń soltústigi men shyǵysynda túnde jáne tańerteń tuman túsedi.
Qostanaı oblysynyń soltústigi, shyǵysynda túnde jáne tańerteń tuman túsýi múmkin. Oblystyń batysy men soltústigine ońtústik-batystan, batystan soqqan jeldiń jyldamdyǵy sekýndyna 15-20 metrge deıin jetedi dep kútiledi.
Pavlodar oblysynyń batysy, ońtústigi men shyǵysynda batystan soqqan jeldiń ekpini 15-20 m/s bolady.
Soltústik Qazaqstan oblysynyń soltústik-shyǵysynda túnde jáne tańerteń tuman túsedi dep kútiledi. Oblystyń shyǵysynda túnde ońtústik-batystan, kúndiz oblystyń basm bóliginde 15-20 m/s jyldamdyqpen jel soǵady dep boljanady.
Túrkistan oblysynyń soltústigi, batysy, taýly aımaqtary men taý bókterinde túnde, taý asýlarynda kúndiz soltústik-batystan soltústik-shyǵysqa oıysa 15-20 m/s jyldamdyqpen jel soǵady dep kútiledi. Oblystyń soltústiginde, batysynda órt tutaný qaýpi joǵary bolady.