Uly aqynnyń eskertkishi Atyraýda boı kóterdi
Atyraýda Abaı eskertkishiniń ashylý rásimi ótti, dep habarlaıdy Almaty-akshamy.kz 24.kz-ke silteme jasap
Uly aqynnyń 175 jyldyǵyna josparlanǵan eskertkishtiń ashylý sáti búgin túsip otyr. Quny 145 mln teńge bolatyn músin qoladan quıylǵan. Bıiktigi 11 metr.
2019 jyly respýblıkalyq ashyq konkýrs arqyly músinshi Asqar Nartovtyń eskertkish-jobasy qoldaý taýypty. Al ony ornatý úshin qalalyq mádenıet bólimi 2021 jyldyń 3 qarashasynda «Balqytý» JSHS-men kelisimshartqa otyrǵan. Eskertkishtiń ashylý saltanatyna oblys ákimi, óńirdiń zıaly qaýym ókilderi qatysty.
Eske sala keteıik, dál osy joba úshin oblys ákiminiń orynbasary Baqytgúl Hamenova men mádenıet basqarmasynyń basshysy jemqorlyq deregi boıynsha kúdikke ilikken edi.
Oblystyq sottyń málimdemesi boıynsha, Hamenovanyń kinási dáleldense, 7 jyldan 12 jylǵa deıin bas bostandyǵyna aıyrylýy múmkin.
Quralaı Qumarova, qalalyq mádenıet, tilderdi damytý, dene shynyqtyrý jáne sport bólimi basshysynyń orynbasary: – Bul eskertkish 2018 jyly eskertkishterdi qorǵaý jónindegi komısıanyń sheshimimen tańdalǵan bolatyn.
Eki eskertkish jobasynyń ishinen bireýi tańdalyp, músinshi Asqar Nartovtyń eskertkishi tańdaldy. Astyndaǵy tuǵyrymen qosa alǵanda 11 metrdi quraıdy. Joba quny - 145 mln teńge.