Tabysy eń tómen óńirler - Túrkistan oblysy jáne Shymkent qalasy
Ulttyq statısıka búrosynyń málimetine sáıkes, 2020 jyly el turǵyndarynyń jan basyna shaqqandaǵy ortasha tabysy artyp, 116 myń teńgeden sál asty, dep habarlaıdy Almaty-akshamy.kz
«2020 jyly halyqtyń orta eseppen jan basyna shaqqandaǵy ataýly aqshalaı tabystary aıyna orta eseppen 116 126 teńgeni qurady jáne ataýly mánde 2019 jylmen salystyrǵanda 11,4% ósti. Osy kezeńdegi tutyný taýarlary men kórsetiletin qyzmetterge baǵalardyń 6,8% ósimi kezinde halyqtyń naqty aqshalaı tabystary ótken jylmen salystyrǵanda 4,3% joǵarylady.
2020 jyly halyqtyń orta eseppen jan basyna shaqqandaǵy ataýly aqshalaı tabystarynyń mólsheri boıynsha eń joǵary máni Atyraý oblysynda baıqaldy, onda osy kórsetkish ortasha respýblıkalyq deńgeıden 2 esege jýyq artty», - delingen vedomstvo habarlamasynda.
Tabysy eń tómen óńirler retinde Túrkistan oblysy jáne Shymkent qalasy belgilendi. Bul óńirlerdegi halyqtyń tabys mólsheri ortasha respýblıkalyq deńgeıdiń 55-65%-yn qurady.
Ótken jyly óńirler boıynsha halyqtyń jan basyna shaqqandaǵy tabysynyń eń joǵarǵy jáne eń tómengi shamasy arasyndaǵy aıyrmashylyq 3,4 eseni qurady (2019 jyly – 4 ese).