Sý resýrstary jáne ırrıgasıa mınıstrligi tasqyn sýyn qabyldaý jáne qaýipsiz ótkizý úshin elimizdiń soltústik, batys, shyǵys jáne ortalyq aımaqtaryndaǵy iri sý qoımalarynan sý jiberip jatyr.
24 sáýir kúngi jaǵdaı kelesideı, dep habarlaıdy aqshamnews.kz sala mınıstrligine silteme jasap.
Aqtóbe, Qostanaı jáne Batys Qazaqstan oblystarynyń sý qoımalarynda sý tasqynynyń belsendi kezeńi aıaqtaldy.
Aqmola oblysynda Astana sý qoımasynan sekýndyna 20,02 tekshe metr, Sileti sý qoımasynan 31,74 tekshe metr, Shaǵalaly sý qoımasynan sekýndyna 0,6 tekshe metr sý jiberilýde.
Shyǵys Qazaqstan oblysynda Buqtyrma sý qoımasynan sekýndyna 1191 tekshe metr, al, Óskemen sý qoımasynan 1270 tekshe metr sý jiberilýde.
Abaı oblysyndaǵy Shúlbi sý qoımasynan sekýndyna 3500 tekshe metr sý jiberilýde.
Qaraǵandy oblysynda Yntymaq sý qoımasynan sekýndyna 8 tekshe metr, Samarqand sý qoımasynan 2 tekshe metr, Sherýbaı-Nura sý qoımasynan 29,3 tekshe metr sý jiberilýde.
Ulytaý oblysy Keńgir sý qoımasynan sekýndyna 5,0 tekshe metr sý jiberilýde.
Soltústik Qazaqstan oblysynda Sergeev sý qoımasynan sekýndyna 1556,4 tekshe metr, Petropavl sý qoımasynan 2597,8 tekshe metr sý jiberilýde.