Úkimet pen Islam damý banki kelisimge qol qoıdy.
Islam damý banki Qazaqstandaǵy ınfraqurylymǵa 2 mıllıard dollarǵa deıin qarjy bóledi, dep habarlaıdy Almaty-akshamy.kz úkimettiń baspasóz qyzmetine silteme jasap.
ORES Halyqaralyq damý qory uıymdastyrǵan forýmda Qazaqstan premer-mınıstriniń orynbasary – ulttyq ekonomıka mınıstri Nurlan Baıbazarovtyń Arab úılestirý tobyna kiretin ıslam damý ınstıtýttarymen birqatar ekijaqty kezdesý ótkizip, sondaı-aq Qazaqstan úkimeti men Islam banki arasyndaǵy Negizdemelik baǵdarlamalyq kelisimge qol qoıylǵany aıtyldy.
"Kelisim osy jyly sý sharýashylyǵy jáne kólik salalaryndaǵy ınfraqurylymdyq jobalardy iske asyrýdy bastaý úshin uzaq merzimdi ınvestısıalar tartý týraly buryn qol jetkizilgen kelisimderdi bekitti. Islam damý banki osy maqsattarǵa 2 mıllıard dollarǵa deıin qarajat bóledi", - delingen habarlamada.
Sý sharýashylyǵy jáne ırrıgasıa mınıstrligi bıyl qarjylandyrýǵa daıyn 16 jobany daıyndady. Olarǵa sý qoımalaryn, bógetterdi, ırrıgasıalyq arnalarda, baqylaý-retteý jáne olarmen baılanysty ınfraqurylymdardy salý jáne qaıta jańartý kiredi. Kólik mınıstrligi jalpy uzyndyǵy 500 shaqyrymnan asatyn respýblıkalyq mańyzy bar joldardy qaıta jańǵyrtý jáne salý boıynsha 4 jobany usyndy.
Kelisim alǵa qoıylǵan maqsattarǵa tabysty iske asyrýdy jáne qol jetkizýdi qamtamasyz etý úshin birlesken jobalardy iske asyrý barysyna turaqty konsýltasıalar men monıtorıń júrgizýdi kózdeıdi.
Buǵan deıin habarlaǵanymyzdaı, Qazaqstannyń syrtqy ister mınıstri Murat Nurtileý Jıdda qalasynda Islam damý banki men Islam yntymaqtastyǵy uıymynyń basshylyǵymen kezdesýler ótkizdi.
Qazaqstan dıplomatıa vedomstvosynyń basshysy IDB prezıdenti Muhammed Súleıman ál-Jasermen kezdesýinde Qazaqstannyń ekonomıkalyq áleýeti týraly habarlady.
Bank toby Qazaqstanda quny 1,6 mıllıard dollardan asatyn 70-ke jýyq jobany júzege asyrdy, dep málimdedi Syrtqy ister mınıstri.