Úkimet otyrysynda sýdaǵy qaýipsizdikti qamtamasyz etý máselesi qaraldy. Balalarǵa qatysty jumys kúsheıtiledi. Basty mindet – júzý aýmaǵyndaǵy qaýipsizdik jáne eresekter tarapynan qadaǵalaý, dep habarlaıdy almaty-akshamy.kz.
Sonymen qatar sýǵa ketkenderdiń edáýir bóligi mas kúıinde bolǵanyn atap ótken jón. Bul oryn alǵan jaǵdaıdyń shamamen 60%-yn quraıdy. Sý aıdyndarynda demalýshylardyń ishimdik ishý problemasyna nazar aýdaryldy. Máselen, ishki ister organdarynyń bólimshelerine múddeli memlekettik organdarmen birlesip, sý jaǵasyndaǵy demalys oryndarynda ishimdik ishýge tyıym salý, ásirese demalys jáne mereke kúnderi patrúldeýdi kúsheıtý tapsyryldy. Sondaı-aq sý kóligin durys paıdalaný máseleleri de talqylandy.
«Kólik mınıstrligi óńirlerdiń ákimdikterimen birlesip shaǵyn kólemdi kemelerdi paıdalanylýdy baqylaý boıynsha sharalar qabyldaý tıis. Adamdardyń aqaýly kemelerge minip, keıin qaıǵyly oqıǵamen aıaqtalǵan jaǵdaılar az emes. Bul máselede qatań baqylaý qajet», — dedi Úkimet basshysy.