Olardyń qatarynda Respýblıkalyq jedel qutqarý jasaǵynyń mamandarymen qosa kınologtar men dárigerler bar.
Barlyǵy 45 adam mingen Il-76 júk ushaǵy búgin Almaty áýejaıynan shyqty, dep habarlaıdy Almaty-akshamy.kz 24.kz-ke silteme jasap.
Bortta qutqarý tehnıkalary da bar. Jasaqtyń quramyndaǵylardyń birqatary Túrkıadaǵy zilzalanyń saldaryn joıýǵa qatysyp, tájirıbe jınaqtaǵan.
Eske sala keteıik, 7 qazan kúni Aýǵanstannyń batysynda ornalasqan Gerat provınsıasynda qýaty 6 baldan joǵary jer silkinisi bolǵan edi. Gerat – Aýǵanstandaǵy iri qalalardyń biri. Shaharda 500 myńǵa tarta halyq turady. Tabıǵı apattan 2,5 myńǵa jýyq adam kóz jumyp, myńdaǵan adam jaraqat aldy. Úıler qırady.
Osy qıyn jaǵdaıdan keıin Memleket basshysynyń tapsyrmasymen Aýǵanstanǵa qutqarýshylar jiberý týraly sheshim qabyldandy. Qazaqstandyq qutqarýshylar zilzaladan qatty zardap shekken qala mańyndaǵy 4 eldi mekenniń turǵyndaryna kómek kórsetedi dep josparlanyp otyr. Oǵan qosa erteń aýǵan eline gýmanıtarlyq kómek jónelt