Boljam www.agrodata.kz qosymshasynda jáne «Qazgıdromet» RMK resmı saıtynda jarıalanǵan.
«Qazgıdromet» tamyz aıynda qurǵaqshylyq bolýy múmkin óńirlerdi naqtylady, dep habarlaıdy aqshamnews.kz
SJI naqty eseptelýlerine sáıkes 2024 jylǵy tamyzda Qazaqstan aýmaǵynda atmosferalyq ylǵaldaný jaǵdaıy respýblıkanyń soltústiginiń, soltústik-batysynyń jáne shyǵysynyń jeke aýdandarynda birqalypty ylǵaldy bolady dep kútilýde, qurǵaqshylyq jaǵdaılary vegetasıalyq kezeńde jaýyn-shashyn tapshylyǵy baıqalǵan Qostanaı, Almaty, Jambyl jáne Qyzylorda oblystarynyń jeke aýdandarynda boljanady, - delingen habarlamada.
Tamyz aıynda birqalypty ylǵaldy bolady dep kútilýde:
Soltústik Qazaqstan, Qostanaı, Aqmola jáne Pavlodar oblystarynyń basym bóliginde;
Aqtóbe oblysynyń Áıteke bı, Qarǵaly, Muǵaljar jáne Hromtaý aýdandarynda;
Shyǵys Qazaqstan oblysynyń Katonqaraǵaı jáne Kúrshim aýdandarynda;
Birqalypty qurǵaqshylyq jaǵdaıy kútiledi:
Almaty oblysynyń Balqash aýdanynyń ońtústik bóliginde jáne Jambyl aýdanynyń soltústik bóliginde;
Jambyl oblysynyń Moıynqum jáne Talas aýdandarynda;
Qyzylorda oblysynyń Qarmaqshy aýdanynda.
Eldiń qalǵan aýmaǵynda ylǵaldaný jaǵdaılary osy aı úshin qalypty shamada bolady dep kútilýde.