2021 jylǵy 13 940 oqıǵanyń 1 859-y ólimmen aıaqtalǵan.
Bas prokýratýranyń málimdeýinshe, ólimmen aıaqtalatyn jol apatynyń qaı óńirde jıi bolatyny anyqtaldy, dep habarlaıdy Almaty-akshamy.kz
Tengrinews.kz saıtynyń habarlaýynsha, 2021 jyly barlyǵy 13 940 jol apaty bolyp, sonyń saldarynan 2 270 adam, onyń ishinde 200 bala qaza tapty, 18 096 adam jaraqat alǵan.
Bas prokýratýranyń Quqyqtyq statısıka jáne áleýmettik esep komıtetiniń málimetinshe, 2021 jyly jol apatynyń basym bóligi:
Almaty - 3230;
Almaty oblysy - 2248;
Jambyl oblysy - 1290;
Shyǵys Qazaqstan oblysy - 860.
Jol apatynan qaza bolǵandardyń eń kóp sany myna óńirde tirkeldi:
Almaty oblysy - 463;
Túrkistan oblysy - 319;
Jambyl oblysy - 222;
Qaraǵandy oblysy - 161;
Shyǵys Qazaqstan oblysy - 146.
Pandemıa jáne karantındik shekteýler kezinde jol apaty az bolǵanymen, ólimmen aıaqtalatyn jazataıym oqıǵalardyń sany jyldan-jylǵa aıtarlyqtaı óskenin atap ótken jón. 2019 jyly 16 614 jol apaty boldy, onyń 1 959-y ólimmen aıaqtaldy. 2020 jyly qatań karantındik shekteýler kezinde 13 515 jol apaty tirkelse, onyń 1 700-inde jolaýshylar ajal qushqan. 2021 jylǵy 13 940 oqıǵanyń 1 859-ynda jol-kólik oqıǵasyna qatysýshylar qaza tapqan.