Kók shóptiń quramynda kómirsýlar az, sondyqtan ony kómirsýlary tómen dıetada paıdalanǵan tıimdi
Asjapyraq (shpınat) arqyly aryqtaý - eń jaqsy ári eń qaýipsiz ádis. Mundaı pikirdi Djennı Chempıon esimdi dıetolog alǵa tartyp otyr, dep jazady Eat This, Not That! Basylymy.
Dárigerdiń aıtýynsha, kók shóptiń bul túri salmaqty baqylaýda ustaýǵa kómektesedi, júrek-qan tamyrlary aýrýlarynyń paıda bolý qaýpi men damýyn báseńdetýge áser etedi, qan qysymy men holesterın deńgeıin qalypqa keltirip, mı jumysynyń zerektigin saqtaýǵa kómektesedi, dep habarlaıdy Almaty-akshamy.kz REN-tv saıtyna silteme jasap.
«Kalorıasy az bolǵannan keıin asjapyraq (shpınat) dıeta kezinde eń jaqsy kómekshi qural bolyp sanalady. Bul ónimniń 100 gramynda nebári 23 kalorıa bar», - dedi dıetolog.
Onyń aıtýynsha, shóp quramynda kómirsýlar az, sondyqtan bul olardy dıeta ustaýda tıimdi ete túsedi «Bul - óte joǵary talshyqty quram. Osynyń arqasynda adam ózin toq sezinedi. Siz porsıalardy azaıta bastaısyz», - dedi sarapshy.
Bir eskeretin jaıt, salmaq tastaýda kók shópti kóp qoldanýdyń qajeti joq, sebebi odan qalqansha bezinde buzylystar bolyp, jalpy, aryqtaý barysyn qıyndatýy múmkin.
«Onyń ústine, shpınatty óte kóp mólsherde tutyný búırekte tastyń túzilýine ákelýi múmkin», - dedi sarapshy.
Dáriger, eń durysy, asjapyraqty kúnine bir keseden aspaıtyndaı mólsherde ǵana qoldaný kerek.