Aldaǵy 3-4 jylda ózin-ózi qamtamasyz etý kórsetkishin 80 paıyzǵa jetkizý kózdelip otyr
Úkimet otyrysynda QR Aýyl sharýashylyǵy mınıstri Erbol Qarashókeev elimizdiń ońtústiginde taǵy bir qant zaýytyn salý josparlanyp otyrǵanyn aıtty, dep habarlaıdy Almaty-akshamy.kz
Aýyl sharýashylyǵy mınıstrliginiń basshysy Qazaqstan qant eksporttamaıtynyn, óıtkeni óndirilgen barlyq ónim ishki tutynýǵa ketetinin, tipti 58 paıyzy syrttan ımporttalatynyn aıtty.
«Ótken jyldyń qorytyndysy boıynsha ishki qant tutyný 42 paıyzǵa otandyq óndiris esebinen qamtamasyz etildi. Respýblıkalyq eseppen alǵanda, aýmaqty, shıkizatty, óndiristik qýatty ulǵaıtý arqyly biz aldaǵy 3-4 jylda bul ózin-ózi qamtamasyz etý kórsetkishin 80 paıyzǵa jetkizýdi josparlap otyrmyz», - dedi QR Aýyl sharýashylyǵy mınıstri Erbol Qarashókeev.
Onyń aıtýynsha, Qazaqstanda qant jáne qant qyzylshasyn óndiretin tórt zaýyt bar. Olar Jambyl jáne Almaty oblystarynda ornalasqan.
«Agroónerkásip kesheniniń ulttyq jobasyna sáıkes qant qyzylshasyn egý alańdaryn keńeıtý sharalary qarastyrylǵan. Biz Qazaqstannyń ońtústiginde zaýyttardy jańartyp, taǵy bir zaýyt salýdy josparlap otyrmyz», - deıdi Erbol Qarashókeev.