Polıseıler qarý urlaýǵa qatysy bar 8 adamdy qolǵa túsirdi.
Almatyda qańtar oqıǵasy kezinde urlanǵan qarýdyń kezekti partıasy tárkilendi, dep habarlaıdy Almaty-akshamy.kz QR İİM
QR İİM Kóliktegi polısıa departamentiniń bastyǵy Ońal Bekeevtiń aıtýynsha, jedel izdestirý is-sharalary barysynda kólik polıseıleri Almaty qalasynyń 21 jastaǵy turǵynyn anyqtap, ustady. Atalǵan azamat qańtar oqıǵasynan keıin óziniń tanysymen birge Túrksib aýdanynda ornalasqan qaraýsyz qalǵan ǵımarattyń jertólesine eki atys qarýyn jasyrǵan.
«Tekserý barysynda kúdiktiniń buryn adam tonaǵany úshin qylmystyq jaýapkershilikke tartylǵany anyqtaldy. Atys qarýy tárkilendi. Sotqa deıingi tergeý aıasynda basqa da qatysy bar adamdardyń ornalasqan jerin anyqtaý maqsatynda barlyq qajetti is-sharalar júrgizilýde», dedi O.Bekeev.
Departamenttiń baspasóz qyzmetinen túsken málimetke qaraǵanda, kólik polıseıleri qańtar oqıǵasy kezinde qarý urlaýǵa qatysy bar 8 adamdy qolǵa túsirdi. Olardan barlyǵy 60 qarý tárkilendi.