«Jaıly mektep» ulttyq jobasynyń aıasynda Qazaqstan mektepterinde transformer-partalar paıda bolady.
Bul týraly Úkimet otyrysynda Premer-Mınıstr Álıhan Smaılylov aıtty, dep habarlaıdy Almaty-akshamy.kz QazAqparatqa silteme jasap.
«Oqýshylarǵa yńǵaıly bolý úshin transformer-partalar men «aýyzsý fontandary» qoıylady. Ár qabatta oqýshylarǵa arnalǵan tynyǵý alańdary bolady.
2023-2025 jyldary elimizde 401 mektep salý josparlanyp otyr», - dedi Álıhan Smaıylov.
Onyń sózine qaraǵnada, jobany iske asyrýǵa respýblıkalyq búdjetten 2,6 trln teńge bólinbek.
«Óńir ákimderi jyl sońyna deıin jer ýchaskelerin bólip, ınjenerlik komýnıkasıalardy júrgizý máselesin muqıat oılastyrýy qajet.
Jobany iske asyrý balalardyń jaqsy bilim alýy úshin qajetti jaǵdaı jasaýǵa múmkindik beredi. Osyǵan baılanysty, Ulttyq jobany maquldaýdy usynamyn.
Oqý-aǵartý mınıstrligi múddeli memlekettik organdarmen jáne ákimdiktermen birlesip, jobadaǵy is-sharalardyń ýaqtyly oryndalýyn qamtamasyz etýi qajet», - dedi Premer-Mınıstr.