Boljamǵa sáıkes, respýblıkamyzdyń basym bóliginde qurǵaq ári aýa raıy jyly bolady.
Sınoptıkter 1 qazanda Qazaqstanda aýa raıy qandaı bolatynyn aıtty, dep habarlaıdy aqshamnews.kz "Qazgıdromet" RMK-nyń baspasóz qyzmetine silteme jasap.
"Frontaldy atmosferalyq bólikterdiń jyljýyna baılanysty elimizdiń ońtústiginde ǵana naızaǵaı oınap, jańbyr jaýady dep kútiledi. Qazaqstannyń batysynda, ońtústiginde, shyǵysynda jel ekpin alady, túnde jáne tańerteń soltústikte, eldiń ońtústik-shyǵysyndaǵy taýly aımaqtarda tuman túsedi, ońtústikte shańdy daýyl bolady", delingen "Qazgıdromet" RMK habarlamasynda.
Gıdrometeorologıalyq ortalyqtyń málimetinshe, Aqtóbe, Qaraǵandy oblystarynda, Ulytaý óńiriniń shyǵysynda, Jetisý oblysynyń shyǵysynda, Batys Qazaqstan oblysynyń soltústiginde, Qyzylorda óńiriniń soltústik-batysynda, Jambyl oblysynyń ońtústik-shyǵysynda, ońtústiginde, Qostanaı oblysynyń ortalyǵynda, Mańǵystaý óńiriniń shyǵysynda, batysynda, ońtústiginde, Shyǵys Qazaqstan oblysynyń ortalyǵynda, shyǵysynda, Abaı oblysynyń ortalyǵynda, Abaı jáne Shyǵys Qazaqstan oblystarynyń soltústiginde órt qaýpi joǵary bolady dep kútiledi.
"Mańǵystaý, Atyraý, Túrkistan, Qyzylorda, Jambyl, Ulytaý, Batys Qazaqstan oblystarynda, Qaraǵandy oblysynyń batysynda, shyǵysynda , Abaı óńiriniń ońtústiginde , Jetisý oblysynyń batysynda, soltústiginde, ortalyǵynda, Almaty óńiriniń soltústiginde, shyǵysynda, Aqtóbe oblysynyń batysynda, ońtústiginde, ortalyǵynda tótenshe órt qaýpi saqtalady", - dep naqtylady "Qazgıdromet" RMK.