Bul bastama kórermenniń nazaryn tarıhı materıaldarǵa aýdara otyryp otandyq tarıh pen mádenıetke degen qyzyǵýshylyqty arttyrýdy kózdeıdi.
Tarıhı kórsetilim elimizdegi Astana, Almaty, Shymkent qalalary men oblys ortalyqtaryndaǵy – jalpy 24 kınoteatrda, ár aptanyń juma, senbi jáne jeksenbi kúnderi keshki ýaqytta kórsetilýde, dep habarlaıdy aqshamnews.kz
Qazaqstan Respýblıkasy Mádenıet jáne aqparat mınıstrligi Arhıv, qujattama jáne kitap isi komıteti Ortalyq memlekettik kıno-fotoqujattar men dybys jazbalarynyń arhıvinde saqtalǵan kıno, foto jáne aýdıoqujattar negizinde jasalǵan beınematerıaldar ázirledi.
Kórsetiletin beınerolıkter «Qazaqstan tarıhyndaǵy eń alǵashqy fotosýret», «Qazaqstan tarıhyndaǵy eń alǵashqy aýdıojazba», «Túrksib – Shyǵys pen Batysty jalǵaǵan jol», «Almaty arhıtektýrasynyń evolúsıasy», «Neırojeliniń kómegimen ómirge kelgen etnografıalyq fotosýretter» syndy túrli taqyryptardy qamtıdy.
Joba QR Mádenıet jáne aqparat mınıstrligi Arhıv, qujattama jáne kitap isi komıteti men «Cinema Invest Group» JSHS Kınoparki arasynda aýdıovızýaldy qujattardy nasıhattaý jónindegi yntymaqtastyq pen ózara is-qımyl týraly memorandým aıasynda júzege asyryldy.