27 tamyzda Qazaqstannyń jeti oblysynda qatty ystyq bolady, dep habarlaıdy aqshamnews.kz
Bir óńirde aýa temperatýrasy +40°S-qa deıin jetedi. Eldiń basym bóliginde jaýyn-shashynsyz aýa raıy boljanady. Tek batys pen soltústikte jańbyr jaýady.
"Qazgıdromet" RMK derekterine sáıkes, kúndiz qatty ystyq kútiledi:
Aqtóbe oblysynyń ońtústigi men shyǵysynda, Qostanaı oblysynyń ońtústiginde, Ulytaý oblysynyń batysynda, Almaty oblysynda, Jetisý oblysynda – +35…+37°S deıin;
Mańǵystaý oblysynda – +38°S deıin;
Qyzylorda oblysynda – +40°S deıin.
"Batys antısıklonnyń áserinen Qazaqstannyń basym bóliginde jaýyn-shashynsyz aýa raıy kútiledi. Tek batys pen soltústikte atmosferalyq fronttardyń ótýimen naızaǵaıly jańbyr jaýady, burshaq túsýi múmkin. Respýblıka boıynsha jel kúsheıedi, batys pen ońtústikte – shańdy daýyl, batys pen soltústikte túnde jáne tańerteń – tuman bolady", - delingen boljamda.
Sonymen qatar, gıdrometortalyqtyń málimetinshe, keıbir óńirlerde:
Joǵary órt qaýpi – Almaty oblysynda, Ulytaý oblysynda, Jetisý oblysynyń ońtústigi men shyǵysynda, Batys Qazaqstan oblysynyń ońtústiginde, Qaraǵandy oblysynyń shyǵysynda, Atyraý oblysynyń ońtústigi men ortalyǵynda, Aqtóbe oblysynyń ortalyǵy men shyǵysynda, Shyǵys Qazaqstan oblysynyń soltústigi, ońtústik-shyǵysy men ortalyǵynda, Qostanaı oblysynyń batysynda, Abaı oblysynyń batysy, ońtústigi men ortalyǵynda kútiledi;
Óte joǵary órt qaýpi – Túrkistan, Qyzylorda, Mańǵystaý, Jambyl oblystarynda, sondaı-aq Batys Qazaqstan oblysynyń batysynda, Almaty oblysynyń batysy men soltústiginde, Atyraý oblysynyń batysy men shyǵysynda, Qostanaı oblysynyń ońtústiginde, Qaraǵandy jáne Aqtóbe oblystarynyń ońtústiginde boljanady.