Ózbekstan astanasynda kórshiles alty elden: Ózbekstan, Qazaqstan, Qyrǵyzstan, Ázirbaıjan, Túrkimenstan jáne Tájikstannan kelgen 135 oqýshy arasynda Ál-Harezmı atyndaǵy halyqaralyq matematıka olımpıadasy ótti.
Oqý-aǵartý mınıstrliginiń málimetinshe, Qazaqstan quramasy 100% nátıje kórsetip, tórt medal jeńip aldy: 2 altyn, 1 kúmis jáne 1 qola, dep habarlaıdy Almaty-akshamy.kz.
Sherhan Jaqsylyq - Aqtóbe oblystyq daryndy jasóspirimderge arnalǵan «Bilim-ınnovasıa» mamandandyrylǵan mektep-ınternatynyń 9-synyp oqýshysy;
Orynbasar Berdibek - Atyraý oblystyq №1 «Bilim-ınnovasıa» lıseı-ınternatynyń 9-synyp oqýshysy;
Temirlan Ábishev - Atyraý oblystyq №1 «Bilim-ınnovasıa» lıseı-ınternatynyń 9-synyp oqýshysy;
Batyrhan Arýjan – Almaty qalasyndaǵy Respýblıkalyq fızıka-matematıka mektebiniń 8-synyp oqýshysy.
Qurama komandanyń jetekshisi – Ibragım Ibatýlın, «Úzdik pedagog» nomınasıasynyń ıegeri, halyqaralyq jáne respýblıkalyq olımpıadalardyń jeńimpazy.
Esterińizge salsaq, birinshi olımpıada 2023 jyly ótip, oǵan 5 elden 72 qatysýshy jınalǵan. Onda Qazaqstan quramasy eki altyn, eki kúmis medaldi enshiledi.