Qazaqstanda «Úzdik týrısik aýyl-2025» ulttyq baıqaýynyń qorytyndysy jarıalandy. Bul baıqaý aýyldyq aýmaqtardyń biregeı tabıǵı landshafttary men dástúrlerin, qolónerin saqtap qalýǵa jáne olardy ilgeriletýge baǵyttalǵan, dep habarlaıdy aqshamnews.kz
Baıqaýǵa qatysý úshin oblys ákimdikteri ár aımaqtan úsh aýyldy usynýǵa múmkindik aldy. İrikteý kezinde tabıǵı jáne mádenı resýrstarǵa, sondaı-aq aýyldardaǵy dástúrli qyzmet túrleriniń saqtalýyna erekshe nazar aýdaryldy.
Baıqaý qorytyndysy boıynsha Qazaqstannyń eń úzdik 5 týrısik aýyly anyqtaldy:
- Lepsi (Jetisý oblysy, Alakól aýdany)
- Naǵı İlıasov (Qyzylorda oblysy, Syrdarıa aýdany)
- Han Ordasy (Batys Qazaqstan oblysy, Bókeı ordasy aýdany)
- Poperechnoe (Shyǵys Qazaqstan oblysy, Rıdder aýdany)
- Shabanbaı bı (Qaraǵandy oblysy, Aqtoǵaı aýdany)
Bul aýyldar ózderiniń tabıǵı sulýlyǵy men mádenı murasyn saqtaı otyryp, týrıserdi qyzyqtyratyn erekshe oryndarǵa aınalýda. Aıta ketsek, 2023 jyly Almaty oblysyndaǵy Saty aýyly halyqaralyq deńgeıde eń úzdik týrısik aýyl retinde tanylyp, bedeldi UNWTO syılyǵymen marapattalǵan bolatyn.