Jelide "Dıkıı Arman" laqap atymen belgili Arman Jumageldıev "túrmedegi dýshta tamyryn kespek bolǵany" týraly aqparat paıda boldy, dep habarlaıdy aqshamnews.kz.
Atalǵan aqparatqa qatysty QR İİM Qylmystyq-atqarý júıesi komıteti pikir bildirip, Jumageldıevtiń ózine jeńil jaraqattar salǵanyn rastady.
"Sottalǵan adam ózine jeńil dene jaraqatyn keltirgen. Dereý medısınalyq kómek kórsetildi. Densaýlyq jaǵdaıy qanaǵattanarlyq. Sottalǵan adammen mekemeniń psıhologtary profılaktıkalyq jumystar júrgizip jatyr. Oqıǵaǵa qatysty qyzmettik tergeý taǵaıyndaldy", - dep jaýap berdi portal caýalyna İİM Qylmystyq-atqarý júıesi komıtetiniń baspasóz qyzmeti.
Eske salaıyq, 27 qańtarda sot Arman Jumageldıevke 2022 jylǵy qańtar oqıǵalary boıynsha úkim shyǵardy.
Sot úkimi boıynsha, Jumageldıev uıymdasqan qylmystyq top qurý jáne oǵan basshylyq jasaý, bandıtızm, jappaı tártipsizdikter uıymdastyrý, adam urlaý jáne zańsyz bostandyǵynan aıyrý qylmystary boıynsha kináli dep tanylyp, 20 jylǵa bas bostandyǵynan aıyryldy.