Kináli adam izdestirilýde.
Oǵan 2 000 AEK (6 126 000 teńge nemese 13 027 AQSH dollary) mólsherinde aıyppul salynady nemese 2 jylǵa deıin bas bostandyǵynan aıyrylýy múmkin, dep habarlaıdy Almaty-akshamy.kz
Pavlodar syrtynda qurylys qoqysy arasynan Qazaqstannyń eki Eltańbasy tabyldy. Áli de izdeýde júrgen kináli adam iri kólemdegi aıyppul tóleýi nemese 2 jylǵa deıin bas bostandyǵynan aıyrylýy múmkin
Pavlodarlyq ekologtar habarlaǵandaı, qoqys elektrolız zaýytynyń sanıtarlyq-qorǵaý aımaǵynda bolǵan. Oqıǵa ornyna jedel tergeý toby bardy.
«Oqıǵa ornyna jedel tergeý toby shyqty. QR QK 372-baby Memlekettik rámizderdi qorlaý boıynsha sotqa deıingi tergeý bastaldy. Jedel izdestirý is-sharalary júrgizilip jatyr», – dedi oblystyq PD bastyǵynyń orynbasary Jasqaırat Qaıyrov.
Kináli adamǵa 2 000 AEK (6 126 000 teńge nemese 13 027 AQSH dollary) mólsherinde aıyppul salynýy múmkin.
Sol mólsherde túzeý jumystaryna ne 600 saǵatqa deıingi merzimge qoǵamdyq jumystarǵa tartý jazasy da qoldanylýy yqtımal. Bul bap boıynsha eki jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrý da qarastyrylǵan.