Oqýshy aýrýhanaǵa aýyr halde jetkizildi.
Almatyda saıabaqta dostarymen oınap júrip qorshaýǵa órmelegen balany toq soqty. Qazir ol aýrýhanada jatyr, dep habarlaıdy Almaty-akshamy.kz QazAqparatqa silteme jasap.
Qalalyq densaýlyq saqtaý basqarmasynyń málimetinshe, oqýshy aýrýhanaǵa aýyr halde jetkizildi.
«Toqqa túsip qalǵan 2014 jyly týǵan A. esimdi bala jedel járdem brıgadasymen ortalyq balalar aýrýhanasyna jetkizildi. Dárigerler oqýshyǵa alǵashqy kómek kórsetip, birden kúıik bólimine jatqyzdy. Jaǵdaıy turaqty, ortasha aýyrlyqta. Protokol boıynsha em alyp jatyr», - dep habarlady densaýlyq saqtaý basqarmasynan.
Belgili bolǵanyndaı, oqys oqıǵa Alataý aýdanynda bolǵan. Segiz jasar bala jabdyqtalmaǵan saıabaqta dostarymen oınap júrip qorshaýǵa órmelegen kezde toq soqqan. Alataý aýdanynyń ákimdigindegiler oıyn alańqaıyn salý máselesi boıynsha jumys istelip jatqanyn málim etti.