Kóne mura - el qazynasy
Qazaqstandyq ekspedısıa babalardan belgi qalǵan jerge keldi, dep habarlaıdy Almaty-akshamy.kz.
XV ǵasyrda Reseı aýmaǵynda Qasym handyǵy bolǵanyn biri bilse, biri bile bermeıdi.
Ony Qazan hany Muhammedtiń uly Qasym qurǵan. Handyq 200 jyldan artyq bılik etken. Qasym handyǵy qurylǵannan qulaǵanǵa deıin Shyńǵys han urpaǵynan 14 adam bılik etken.
Olardyń arasynda Qazaq handyǵyn qurǵan Jánibektiń urpaǵy Oraz Muhammed Ondanuly bar. Búginde onyń jerlengen jerine memorıaldyq taqta ornatyldy. Babalardan belgi qalǵan jerge qazaqstandyq ekspedısıa arnaıy keldi.
«Qasym handyǵyn Reseıge baǵynbaıtyn jeke memleket etý ol kisiniń oıynda boldy. Múmkin sol úshin de I Ljedmıtrıı, II Ljedmıtrıı baılanysyp, keıingi kezde solardyń jaǵyna shyqty. Osyndaı bir qylyǵyn baıqaǵan Ljedmıtrıı jendetterine ony óltirýdi tapsyrady», - dedi, - dedi «Babalar izimen» ǵylymı ekspedısıasynyń jetekshisi Sapar Ysqaqov.
Qasym handyǵy qurylǵan sátten búginge deıin saqtalǵan jalǵyz nysan – munara, bıiktigi – shamamen 22 metr. Munda keıbir handyq bıleýshileriniń súıegi jerlengen. Búgingi Qasym qalasynyń mańyndaǵy jazyq dala buryn zırat bolǵan, onyń dáleli – kesene. İshinde tarıhta aty qalǵan 5 adamnyń belgitasy bar. Sonyń biri – Qadyrǵalı Jalaıyr.