2024 jyldyń sońyndaǵy jaǵdaı boıynsha, Qazaqstan halqynyń sany 20 243 981 adamǵa jetti. Bul kórsetkish Ulttyq statısıka búrosynyń derekterimen rastalyp otyr. Qazirgi tańda elimizde turatyn adamdardyń kópshiligi qalalarda ómir súrip jatyr. Qala turǵyndarynyń sany – 12 727 404 adam, al aýyldyq jerlerde turatyn halyqtyń sany – 7 516 577 adam, dep habarlaıdy aqshamnews.kz.
Qazaqstandaǵy erler men áıelder arasyndaǵy teńgerim de qyzyǵýshylyq týdyrady. Qazirgi ýaqytta elimizde áıelder sany – 10 353 239, al erler sany – 9 890 742 adamdy quraıdy. Bul kórsetkish halyqtyń jynystyq qurylymynyń salystyrmaly túrde teń ekendigin kórsetedi.
Qazaqstandaǵy mıgrasıa da mańyzdy áleýmettik faktorlardyń biri bolyp tabylady. Jyl basynan beri elimizge 22 955 adam qonys aýdarsa, 11 259 adam shet elderge kóshken. Bul kórsetkish syrtqy mıgrasıanyń eki jaqty sıpatta ekenin jáne azamattardyń el ishindegi jáne syrtyndaǵy qozǵalystarynyń áserin aıqyndaıdy.
Qazaqstanda halyqtyń tyǵyzdyǵy jaǵynan Almaty, Astana (Nur-Sultan), Shymkent qalalary jáne Túrkistan, Almaty, Jambyl men Qaraǵandy oblystary kósh bastap tur. Bul óńirler elimizdiń ekonomıkasy men mádenıeti úshin mańyzdy ortalyqtar bolyp tabylady, sonymen qatar halyq sanynyń tyǵyz ornalasqan jerleri.
Qazaqstannyń demografıalyq kórsetkishteri birqatar áleýmettik ózgerister men úrdisterdi kórsetedi. Olardyń ishinde halyqtyń jas qurylymy, kóshi-qon úrdisteri, densaýlyq saqtaý men bilim berý salalaryndaǵy jetistikter mańyzdy ról atqarady. Sonymen qatar, qazaqstandyqtardyń ómir súrý deńgeıi men halyqtyń áleýmettik jaǵdaıy da demografıaǵa tikeleı yqpal etedi.
Qazaqstan halqynyń sany men qurylymynyń dınamıkasy, sondaı-aq ártúrli áleýmettik faktorlar eldiń bolashaq damý baǵytyn anyqtaýda mańyzdy ról atqarady.