Mundaı málimdemeni Memleket basshysy óz kandıdatýrasyn qoldaý jónindegi halyqtyq koalısıa forýmynda aıtty, dep habarlaıdy Almaty-akshamy.kz.
«Elimizdiń damýyna kedergi keltirip otyrǵan keseldiń biri – sybaılas jemqorlyq. Onymen kúresý – barshamyzǵa ortaq mindet. Bul baǵytta sońǵy úsh jylda biraz sharýa atqaryldy. Mysaly, osyndaı qylmysy úshin sottalǵandardy merziminen buryn shartty túrde bosatýǵa tyıym salyndy. Budan bylaı olardan qaıtarylǵan qarajat mektep salýǵa jumsalady», - dedi el Prezıdenti.
Sondaı-aq Memleket basshysy memlekettik satyp alý júıesine birqatar ózgerister engizilgenin aıtty.
«Jemqorlyqpen kúres tıimdi bolý úshin memlekettik satyp alý júıesine birqatar ózgeris engizildi. Sondaı-aq quzyrly organ basshylarynyń jaýapkershiligi artty. Bir sózben aıtqanda, jemqorlyqpen kúres eshqashan toqtamaıdy, jalǵasa beredi. Sonda ǵana biz osy indetten taza qoǵam quramyz. Bul – meniń strategıalyq maqsatym!» - dedi Q.Toqaev.