Atalmysh bastamany Qazaqstan TJM basshysy Iýrıı Ilın kóterdi.
Qazaqstanyń TJM basshysy Iýrıı Ilın Dýshanbede ótip jatqan Ortalyq Azıa elderiniń tótenshe vedomstvolary basshylarynyń keńesi barysynda aımaqtaǵy elderde kez kelgen tótenshe jaǵdaı týraly shuǵyl habar taratatyn júıeni qurýdy usynyp, qaýip-qater týyndaǵanda ózara habardar bolýdyń mańyzdylyǵyn atap ótti, dep habarlaıdy Almaty-akshamy.kz.
Máseleniń ózektiligin Ortalyq Azıa elderiniń tótenshe den qoıý vedomstvolary rastady.
«Qazaqstandyq taraptyń usynysy sheńberinde seısmıkalyq dachıkterdi ǵana emes, sonymen qatar Ortalyq Azıa elderindegi qoldanystaǵy TJ monıtorıńi júıeleriniń meteorologıalyq, gıdrologıalyq jáne basqa dachıkterin ıntegrasıalaý josparlanýda»,- delingen TJM baspasóz qyzmetiniń habarlamasynda.
Bul bastama seısmıkalyq, sel, kóshkin, syrǵyma qaýpi joǵary jergilikti jerlerde TJ týraly erte habarlaýǵa múmkindik beredi.
Mınıstrler kezdesýinde usynylǵan málimetterge sáıkes, Ortalyq Azıa klımattyń ózgerýiniń qolaısyz saldarymen kúreste úlken qaýip-qaterlerge tap bolýda. Klımattyń ózgerýiniń sýmen baılanysty apattarǵa áseri negizgi qaýipterdiń biri bolyp tanyldy. Máselen, temperatýranyń tómendeýi baıqalady, bul muzdyqtardyń erýine jáne muzdyq kólderdiń paıda bolýyna ákeledi.
Aımaqtaǵy muzdyqtar kóleminiń qysqarýynyń qazirgi qarqyny jylyna 0,2-1% quraıdy. Bul faktorlar sý tasqyny qaýpin týdyrady. Bul rette, jer silkinisi, syrǵymalar, sel, qar kóshkini, tehnogendik sıpattaǵy táýekelder jáne t. b. sıaqty táýekelderge kóbirek kóńil bólinedi.
«Táýekelderdi azaıtýdy qamtamasyz etýde zamanaýı tásilderdi engizý máselelerinde halyqaralyq jáne úkimettik emes uıymdarmen yntymaqtastyqqa úlken mán bere otyryp, biz óńir elderindegi áriptesterimizben ekijaqty jáne kópjaqty negizde tyǵyz jáne praktıkalyq ózara is-qımylǵa erekshe nazar aýdaramyz», - dep atap ótti Iýrıı Ilın.
Keńes aıasynda Iýrıı Ilınniń BUU Eýropa men Ortalyq Azıadaǵy apattar qaýpin azaıtý jónindegi basqarmasynyń Óńirlik keńsesiniń basshysy Oktavın Bıvolmen jáne BUU EEK atqarýshy hatshysynyń orynbasary Dmıtrıı Marásınmen, Túrkıanyń tabıǵı apattar men tótenshe jaǵdaılardy basqarý agenttiginiń Vıse-prezıdenti Ismaıl Palakoglýmen ekijaqty kezdesýleri ótti, onda TJ aldyn alý jáne joıý isindegi yntymaqtastyq pen ózara is-qımyldyń ózekti máseleleri talqylandy.