Mamandar 10 shildede Qazaqstannyń 17 oblysynda da qolaısyz aýa raıy bolady dep boljady, dep habarlaıdy aqshamnews.kz "Qazgıdromet" RMK-nyń baspasóz qyzmetine silteme jasap.
Kúndiz Almaty oblysynyń taý bókterinde, taýly aýdandarynda qatty jańbyr jaýady dep kútiledi. Oblystyń soltústiginde, ońtústiginde, taýly aýdandarynda keı ýaqytta naızaǵaı oınap, qatty daýyl turady, kúndiz burshaq túsýi múmkin. Oblystyń soltústiginde, ońtústiginde, taýly aýdandarynda soltústik-batystan jel soǵady, ekpini 17-22 m/s, keı ýaqytta 25 m/s deıin jetedi. Oblys boıynsha tótenshe órt qaýpi, oblystyń shyǵysynda joǵary órt qaýpi saqtalady. Almatyda 10 shildede tańerteń jáne kúndiz nóser jańbyr jaýyp, naızaǵaı oınaıdy dep kútiledi. Soltústik-batystan jel soǵady, ekpini - 18 m/s. Tótenshe órt qaýpi saqtalady. Qonaevta 10 shildede kúndiz naızaǵaı oınap, soltústik-batystan jel soǵady, ekpini - 17-22 m/s. Tótenshe órt qaýpi saqtalady.
Kúndiz Aqtóbe oblysynyń soltústiginde, shyǵysynda naızaǵaı oınap, oblystyń soltústiginde, shyǵysynda soltústikten, soltústik-batystan jel soǵady, ekpini - 15-20 m/s. Kúndiz 35-38 gradýs qatty ystyq bolady dep kútiledi. Óńir ortalyǵynda tótenshe órt qaýpi, oblystyń ońtústiginde, ońtústik-shyǵysynda joǵary órt qaýpi saqtalady.
Túnde jáne tańerteń Aqmola oblysynyń batysynda, soltústiginde tuman túsip, tańerteń jáne kúndiz oblystyń soltústiginde, ońtústiginde, shyǵysynda naızaǵaı oınaıdy, burshaq jaýady dep kútiledi. Kúndiz oblystyń ońtústik-shyǵysynda soltústik-shyǵystan jel soǵady, ekpini - 15-18 m/s. Oblystyń batysynda, soltústiginde, ońtústiginde joǵary órt qaýpi kútiledi. Kókshetaýda 10 shildede túnde jáne tańerteń tuman bolady dep kútiledi. Joǵary órt qaýpi saqtalady.
Tańerteń jáne kúndiz Túrkistan oblysynyń soltústiginde, taýly aýdandarynda naızaǵaı oınaıdy dep kútiledi. Oblystyń soltústiginde, batysynda, taýly aýdandarynda soltústik-shyǵystan jel soǵady, ekpini - 15-20 m/s. Oblysta tótenshe órt qaýpi saqtalady. Shymkentte 10 shildede kúndiz naızaǵaı oınap, soltústik-shyǵystan jel soǵady, kúndizgi ekpini - 15-20 m/s. Tótenshe órt qaýpi saqtalady. Túrkistanda 10 shildede soltústik-shyǵystan jel soǵady, kúndizgi ekpini 15- 20 m/s quraıdy. Tótenshe órt qaýpi saqtalady
Kúndiz Jetisý oblysynyń taýly aýdandarynda keı ýaqyttarda qatty jańbyr jaýyp, burshaq túsedi, oblystyń ortalyǵynda, taýly aýdandarynda naızaǵaı oınaıdy dep kútiledi. Oblystyń shyǵysynda, ortalyǵynda soltústik-batystan soqqan jeldiń ekpini 15-20 m/s, keı ýaqyttarda 25 m/s deıin jetedi. Taldyqorǵanda 10 shildede kúndiz naızaǵaı oınap, soltústik-batystan jel soǵady, kúndizgi ekpini - 15-20 m/s.
Kúndiz Atyraý oblysynyń batysynda shyǵystan, soltústik-shyǵystan jel soǵady, ekpini - 15-20 m/s. Oblys boıynsha 35-39 gradýs qatty ystyq bolady dep kútiledi. Oblys boıynsha joǵary órt qaýpi saqtalady. Atyraýda 10 shildede kúndiz 37-39 gradýs qatty ystyq bolady dep kútiledi. Joǵary órt qaýpi saqtalady.
Abaı oblysynyń batysynda, ońtústiginde naızaǵaı oınap, burshaq túsedi, daýyl turady dep kútiledi. Oblystyń soltústiginde, ońtústiginde, ortalyǵynda soltústikten, soltústik-shyǵystan soqqan jeldiń ekpini 15-20 m/s, keı tusta 23 m/s quraıdy. Oblystyń batysynda, ortalyǵynda joǵary órt qaýpi, oblystyń ońtústiginde tótenshe órt qaýpi saqtalady. Semeıde 10 shildede kúndiz naızaǵaı oınap, burshaq túsedi dep kútiledi. Jel soltústikten, soltústik-shyǵystan soǵady, kúndizgi ekpini - 15-20 m/s.
Kúndiz Shyǵys Qazaqstan oblysynyń batysynda, soltústiginde, shyǵysynda naızaǵaı oınap, burshaq túsedi, daýyl turady dep kútiledi. Kúndiz oblystyń batysynda, soltústiginde, ońtústiginde soltústik-shyǵystan ońtústik-batysqa oıysa soqqan jeldiń ekpini 15-20 m/s, keı tusta 23 m/s deıin jetedi. Oblystyń ortalyǵynda, ońtústiginde joǵary órt qaýpi saqtalady. Óskemende 10 shildede kúndiz soltústik-shyǵystan ońtústik-batysqa oıysa jel soǵady, ekpini - 15-18 m/s.
Ulytaý oblysynyń ońtústiginde, shyǵysynda naızaǵaı oınap, kúndiz burshaq jaýady, daýyl turady dep kútiledi. Oblystyń soltústiginde, shyǵysynda, ońtústiginde soltústik-shyǵystan jel soǵady, ekpini - 15-20 m/s. Oblystyń ońtústiginde, shyǵysynda, ortalyǵynda joǵary órt qaýpi saqtalady. Jezqazǵanda 10 shildede soltústik-shyǵystan jel soǵady, ekpini - 15-20 m/s. Joǵary órt qaýpi saqtalady.
Qaraǵandy oblysynyń ońtústiginde, shyǵysynda keı ýaqyttarda qatty jańbyr jaýyp, kúndiz burshaq túsedi, daýyl turady dep kútiledi. Oblystyń soltústiginde, batysynda, shyǵysynda, ońtústiginde naızaǵaı oınaıdy, oblystyń batysynda, shyǵysynda, ońtústiginde soltústik-shyǵystan jel soǵady, ekpini - 15-20 m/s. Oblystyń batysynda, shyǵysynda, ońtústiginde tótenshe órt qaýpi, oblystyń ortalyǵynda joǵary órt qaýpi saqtalady. Qaraǵandyda 10 shildede naızaǵaı oınap, kún raıy buzylady dep kútiledi.
Kúndiz Jambyl oblysynyń soltústiginde, taýly aýdandarynda qatty jańbyr jaýyp, kúndiz burshaq túsedi, daýyl turady dep kútiledi. Túnde oblystyń batysynda, soltústiginde, ońtústiginde, taýly aýdandarynda naızaǵaı oınap, kúndiz oblys boıynsha da naızaǵaı jarqylaıdy dep kútiledi. Oblystyń ońtústik-batysynda, soltústik-shyǵysynda, taýly aýdandarynda soltústik-batystan jel soǵady, ekpini - 15-20 m/s. Oblys boıynsha tótenshe órt qaýpi saqtalady. Tarazda 10 shildede kúndiz naızaǵaı oınap, burshaq túsedi, daýyl turady dep kútiledi. Soltústik-batystan jel soǵady, tańerteń jáne kúndizgi ekpini 15-20 m/s quraıdy. Tótenshe órt qaýpi saqtalady.
Túnde Soltústik Qazaqstan oblysynyń soltústiginde, shyǵysynda, ońtústiginde, kúndiz batysynda naızaǵaı oınap, túnde jáne tańerteń oblystyń soltústiginde, batysynda, ońtústiginde tuman túsedi dep kútiledi. Oblystyń ońtústiginde joǵary órt qaýpi saqtalady. Petropavlda 10 shildede túnde jáne tańerteń tuman bolady.
Astanada 10 shildede kúndiz naızaǵaı oınap, burshaq túsedi dep kútiledi.
Qostanaı oblysynyń soltústiginde, batysynda naızaǵaı oınap, burshaq túsedi dep kútiledi. Túnde jáne tańerteń oblystyń shyǵysynda tuman bolady. Kúndiz oblystyń soltústiginde soltústik-batystan jel soǵady, ekpini - 15-20 m/s. Oblystyń ońtústik-batysynda tótenshe órt qaýpi saqtalady. Qostanaıda 10 shildede kúndiz naızaǵaı oınap, kún raıy buzylady dep kútiledi.
Kúndiz Mańǵystaý oblysynda 38-41 gradýs qatty ystyq bolady dep kútiledi. Oblys boıynsha joǵary órt qaýpi, oblystyń soltústik-batysynda, ortalyǵynda tótenshe órt qaýpi saqtalady. Aqtaýda 10 shildede joǵary órt qaýpi saqtalady.
Kúndiz Batys Qazaqstan oblysynyń batysynda, ońtústiginde, soltústiginde 35-38 gradýs qatty ystyq bolady dep kútiledi. Oblystyń batysynda, ońtústiginde, ortalyǵynda joǵary órt qaýpi kútiledi. Oralda 10 shildede kúndiz 35 gradýs qatty ystyq bolady dep boljanady.
Kúndiz Qyzylorda oblysynyń ortalyǵynda, shyǵysynda shańdy daýyl turady dep kútiledi. Oblystyń ortalyǵynda, shyǵysynda soltústikten soqqan jeldiń ekpini 15-20 m/s quraıdy. Tótenshe órt qaýpi saqtalady. Qyzylordada 10 shildede kúndiz shańdy daýyl turady dep kútiledi. Soltústikten jel soǵady, kúndizgi ekpini 15-20 m/s quraıdy. Tótenshe órt qaýpi saqtalady.
Pavlodar oblysynyń ońtústiginde, shyǵysynda naızaǵaı oınap, oblystyń batysynda joǵary órt qaýpi kútiledi.