Batys Qazaqstan oblysynyń Bórli aýdanynda iri qara belgisiz indetten baýdaı túsip jatyr, dep habarlaıdy Almaty-akshamy.kz.
Sharýalardyń sózinshe kúni búgin aýdanda 100-ge jýyq sıyr ólgen. Áýeli aýrý mal aqsańdap, kelesi kúni ústinde isik paıda bolyp, qulaıtyn kórinedi. Mal ıeleri sonyń aldynda maldyń qarasanǵa qarsy egilgenin aıtady, aýrý sol vaksınasıadan paıda boldy ma degen kúdikterin jasyrmaıdy.
«Bórli aýdany boıynsha qarasanǵa uqsas sımpttomdarmen iri qara maly ólip jatyr. Olardyń birden-bir belgileri aıaǵynda, tósinde, moınynda isikter paıda bolady, gýbka sekilidi sý jınala ma. Sonyń saldarynan jeke qosalqy sharýashylyqtarda, sharýa qojalyqtarynda iri qara mal qulap jatyr. Neden ekenin bilmeı otyrmyz. Bárine qarasanǵa qarsy vaksına jasalǵan», - deıdi Bórli aýdandyq fermerler odaǵynyń tóraǵasy Baqyt Dalabaev.
Oblystyq veterınarlyq basqarma mamandarynyń málimdeýinshe Bórli aýdanynda ólgen maldyń sany 10. Áýeli 7 bas ólip, sonyń úsheýinen synama alynǵan. Qarasan da, sibir jarasy da dáleldenbegen. 30-y kúni ólgen 3 bas iri qaranyń taldama qorytyndysy áli shyqpaǵan.
«Ol 8-10 kún ishinde shyǵady. Tap sol qarasan sol aýrýdan bolyp tur dep zerthana qorytyndysynsyz aıta almaımyz. Mal aýyryp óldi degen kúdik bolǵan kezde dál qaı aýrý dep mal dárigeri verdıkt ana jerde shyǵarady, soǵan tekseredi de, sosyn sibir jarasy sekildi uqsas aýrýlardy da qaraıdy. Ol tek bir aýrýǵa teksermeıdi», - dedi BQO veterınarıa basqarmasynyń bólim basshysy Kenjebek Aımashev.