Salmaǵy 10 kelige jýyq ǵarysh apparaty Qazaqstannyń aýmaǵyn bir kúnde 3 ret aınalyp, jer qabatyndaǵy ózgeristerdi tirkeıdi.
Barlyq derekter avtomatty túrde ál-Farabı atyndaǵy Qazaq ulttyq ýnıversıteti janyndaǵy zertteý ortalyǵyna kelip túsedi. Ǵalymdar nanospýtnıkti eki jylda tolyq daıyndap, ǵarysh aılaǵyna ushyramyz dep otyr, dep habarlaıdy Almaty-akshamy.kz.
«Ol nanospýtnıkterdiń basty qyzmeti - jerdiń lıtosfera degen qabaty bar, qatty qabaty men ıonosfera qabaty arasyndaǵy baılanystardy zertteý. Lıtosfera men ıonosferanyń baılanysyn zertteý arqyly jerde bolyp jatqan qubylystardy aldyn - ala boljaýymyzǵa bolady. Mysaly jer silkinýiniń aldyn alý. Bolashaq nanospýtnıkterdi ǵaryshqa ushyrsaq, der kezinde jer silkinýdiń aldyn alýǵa múmkindik alýymyz múmkin», - deıdi Ál-Farabı atyndaǵy QAZUÝ janyndaǵy ınjınırıń jáne joǵarǵy tehnologıalar klasteriniń bas dırektory Ámirhan Temirbaev.