Zamanýı qazaqstandyq art-óneriniń jáne Uly dalanyń tarıhı motıvteriniń toǵysýda
Elordada el táýelsizdiginiń 30 jyldyǵyna arnalǵan «Qazaq Eli» kórme jobalarynyń serıasy ashyldy, dep habarlaıdy Almaty-akshamy.kz Qazaqtv.com saıtyna silteme jasap
Kóshpeli turmys zattary, biregeı zergerlik buıymdar men fotokartınalardan turatyn ekspozısıalar Beıbitshilik jáne kelisim saraıynyń úsh birdeı qabatynda ornalasqan.
Eń tómengi qabatta «Tulpar» zamanaýı keskindeme kórmesi ornalasqan. Onda Qazaqstan, Túrkıa jáne Moldova sýretshileriniń jumystary qoıylǵan.
«Tómengi qabat eskiden habar berýi tıis boldy. Sondyqtan biz qazaq halqynyń kıeli janýary, senimdi serigi jylqynyń beınesin kórsetýge tyrystyq. Jylqy maly óte ádemi, kórikti janýar. Oǵan syrttaı túsindirme júrgizýdiń keregi joq, beınesinen-aq túsinýge bolady. Barlyq jobamyzda birlikti kórsetip, onyń obrazyn qalyptastyryp kelemiz. Sondyqtan bul joly da buǵan deıingi jobalarmen úılesetin eksponattar men óner týyndylaryn tańdap aldyq. Kórme qańtar aıynyń sońyna deıin jalǵasady, bálkim ári qaraı da sozýymyz múmkin», - dedi kórme jobalarynyń kýratory, elorda galereıasynyń jetekshisi Leıla Mahat.