Almaty qalasynda esirtki, psıhotroptyq zattar men prekýrsorlardyń aınalymyna qarsy zańsyz bıznes boıynsha Ortaazıalyq aýmaqtyq aqparattyq koordınasıalyq ortalyǵynyń Ulttyq Keńes koordınatorlarynyń memlekettik qatysýshylarymen keńeıtilgen otyrys ótkizildi, dep habarlaıdy Almaty-akshamy.kz
Atalǵan otyrysqa Ortaazıada is saparmen júrgen BUU-nyń Bas hatshysynyń orynbasary, BUU Esirtki jáne qylmystar boıynsha basqarmasynyń atqarýshy dırektory Gada Valı qatysty.
Sonymen qatar, gıbrıdti formatta ótken otyrysqa elimizdegi AQSH, Japonıa elshilikteriniń ókilderi de shaqyryldy. Kezdesýdegi kún tártibinde ortalyqtyń quqyqtyq kelisimin nyǵaıtý úshin OAAAKO-na jańa baqylaýshylar dy qabyldaý máseleleri talqylanady.
«Birinshiden, mundaǵy basty maqsat – taraptardyń aqparat qaýipsizdigimen almasýy boıynsha kelisim jobasyn qarastyrý. Ekinshiden, OAAAKO-nyń quqyqtyq-kelisimin jetildirý. Úshinshiden, Aýǵanstandaǵy jaǵdaı boıynsha táýekeldilik máselelerin baǵamdap, onyń atalǵan ortalyqqa tıgizetin zıanyn anyqtaý bolyp tabylady», – dep málimdedi Qazaqstan respýblıkasy İİM-niń orynbasary Arystanǵalı Zapparov.
UKK otyrysynyń qorytyndysy boıynsha OAAAKO-nyń basqada halyqaralyq uıymdar men basym baǵyttar boıynsha yqpaldastyqty arttyrý úshin birlesken sheshimder qabyldandy.
«2010 jyldan bastap OAAAKO-na qatysýshy memleketterdiń qoldaýymen aldaǵy atqarylar jumystardyń nátıjeli bolýy úshin aqparattyq korǵaý men almasý boıynsha jospar maquldandy. Sondaı-aq, bul ony qarjylandyrýdyń bir sharty. Sonymen qatar, Shvesıa koróldigine baqylaýshy mártebesin berý sheshimi qabyldanyp, ortalyq keńistigi taǵy da ulǵaıdy. Quqyqtyq kelisim bazasyn jetildirý, qarjylandyrý máselelerin sheshý úshin birlesken birneshe is-sharalar qarastyryldy», – dep atap ótti mınıstrdiń orynbasary Arystanǵalı Zapparov.
Al BUU Bas hatshysynyń orynbasary Gala Valı hanymnyń jumys josparynda 24 qarasha kúni Tashkent qalasynda BUU-nyń 2022-2025 jyldar aralyǵyndaǵy Ortalyq Azıa boıynsha keıbir máselelerge qatysty baǵdarlamalar iske asyrý boıynsha kelisimge qol qoıý engizilgen.