18 shildege arnalǵan aýa raıy.
Sınoptıkter qolaısyz aýa raıyna baılanysty barlyq óńirge daýyldy eskertý jarıalady, dep habarlaıdy Almaty-akshamy.kz
Keıbir óńirde naızaǵaı oınap, burshaq jaýady, daýyl turady, sondaı-aq taǵy bir aımaqtarda aptap ystyq bolady, joǵary órt qaýpi kútiledi.
Kúndiz Almaty oblysynyń taý bókterinde, taýly aýdandarynda azdap qatty jańbyr jaýyp, burshaq túsedi dep kútiledi. Oblystyń soltústiginde, ońtústiginde, taý bókterinde, taýly aımaqtarynda naızaǵaı oınaıdy. Óńirdiń soltústiginde, ońtústiginde, taýly aýdandarynda ońtústik-batystan, batystan soqqan jeldiń ekpini 18-23 m/s quraıdy.
Almatyda da naızaǵaı bolady. Ońtústik-batystan soqqan jeldiń naızaǵaı kezindegi ekpini - 18 m/s. Qonaevta tańerteń jáne tústen keıin naızaǵaı oınaıdy. Batystan, ońtústik-batystan soqqan jeldiń ekpini - 18-23 m/s.
Kúndiz Jetisý oblysynyń taýly aýdandarynda qatty jańbyr jaýyp, burshaq túsedi dep kútiledi. Oblystyń soltústiginde, shyǵysynda, ortalyǵynda, taýly aımaqtarynda naızaǵaı oınaýy múmkin. Oblystyń shyǵysynda, taýly aýdandarynda batystan soqqan jeldiń ekpini 17-22 m/s quraıdy. Oblystyń soltústiginde órt qaýpi joǵary bolady dep kútiledi. Taldyqorǵanda da naızaǵaı bolady dep boljanady.
Túnde Abaı oblysynyń batysynda, ońtústiginde, ortalyǵynda, kúndiz óńirdiń soltústiginde, ortalyǵynda sınoptıkter azdap jańbyr jaýatynyn boljaıdy. Túnde oblystyń batysynda, ońtústiginde, ortalyǵynda naızaǵaı oınaıdy dep kútiledi, kúndiz oblystyń soltústiginde, ortalyǵynda burshaq túsip, daýyl turady. Oblystyń batysynda, soltústiginde, ortalyǵynda ońtústikten, ońtústik-batystan soqqan jeldiń ekpini 15-20 m/s, kúndiz keı tusta 23 m/s deıin jetedi. Oblystyń ortalyǵynda, ońtústiginde órt qaýpi joǵary. Semeıde kúndiz naızaǵaı oınaıdy dep kútiledi. Ońtústikten, ońtústik-batystan soqqan jeldiń kúndizgi ekpini - 15-20 m/s.
Túnde Shyǵys Qazaqstan oblysynyń batysynda, soltústiginde, shyǵysynda, kúndiz óńirdiń soltústiginde, shyǵysynda azdap qatty jańbyr jaýady dep kútiledi. Túnde oblystyń batysynda, soltústiginde, shyǵysynda naızaǵaı oınaıdy, kúndiz de naızaǵaı bolady, oblystyń soltústiginde, shyǵysynda burshaq túsip, daýyl turady dep kútiledi. Oblystyń ońtústik-batysyna, batysynda, soltústiginde, shyǵysynda ońtústik-shyǵystan ońtústik-batysqa oıysa soqqan jeldiń ekpini 15-20 m/s, kúndiz keı tusta 23 m/s deıin jetedi. Oblystyń ońtústik-shyǵysynda órt qaýpi joǵary. Óskemende naızaǵaı bolady dep kútiledi. Ońtústik-batysqa oıysa ońtústik-shyǵystan soqqan jeldiń kúndizgi ekpini - 15-20 m/s.
Mańǵystaý oblysynyń batysynda soltústik-shyǵystan soqqan jeldiń ekpini 15-20 m/s quraıdy. Aqtaý qalasynda tótenshe órt qaýpi saqtalady.
Kúndiz Aqtóbe oblysynyń soltústiginde naızaǵaı oınaıdy dep kútiledi. Oblystyń ońtústik-batysynda órt qaýpi joǵary.
Túrkistan oblysynda da qolaısyz aýa raıy boljanady. Túnde oblystyń soltústiginde, kúndiz óńirdiń soltústiginde, batysynda, taýly aýdandary men taý bókterinde naızaǵaı oınap, daýyl turady dep kútiledi. Túnde oblystyń soltústiginde, kúndiz óńirdiń soltústiginde, batysynda, taýly aýdandar men taý bókterinde soltústik-batystan soqqan jeldiń ekpini - 15-20 m/s.
"Túrkistan oblysynyń shóleıtti aýdandarynda tótenshe órt qaýpi saqtalady. Shymkent pen Túrkistanda kúndiz naızaǵaı oınap, daýyl turady dep kútiledi. Soltústik-batystan soqqan jeldiń kúndizgi ekpini - 15-20 m/s bolady", dedi "Qazgıdromet" RMK mamandary.
Kúndiz Atyraý oblysynda aptap ystyq bolady dep boljanady: +37°C deıin. Oblys boıynsha órt qaýpi joǵary, oblystyń ońtústik-shyǵysynda, soltústik-batysynda, soltústiginde tótenshe órt qaýpi kútiledi. Atyraýda kúndiz aptap ystyq bolady: +36°C deıin. Sondaı-aq joǵary órt qaýpi saqtalady.
Túnde Qostanaı oblysynyń ońtústiginde, shyǵysynda, kúndiz óńirdiń soltústiginde, shyǵysynda naızaǵaı oınaıdy dep kútiledi. Kúndiz oblystyń soltústiginde, shyǵysynda burshaq túsip, daýyl turady dep boljanady. Oblystyń soltústiginde, shyǵysynda, ońtústiginde soltústik-batystan soqqan jeldiń ekpini 15-20 m/s quraıdy. Oblystyń ońtústiginde tótenshe órt qaýpi saqtalady.
Soltústik Qazaqstan oblysynyń soltústiginde, shyǵysynda nóser jańbyr jaýady dep boljanady. Oblystyń soltústiginde, shyǵysynda, ońtústiginde naızaǵaı oınap, daýyl turady, kúndiz burshaq túsedi dep kútiledi. Oblystyń soltústiginde, shyǵysynda, ońtústiginde soltústik-batystan soqqan jeldiń ekpini - 15-20 m/s. Petropavlda naızaǵaı oınap, kúndiz daýyl turady, burshaq jaýady dep boljanady. Soltústik-batystan soqqan jeldiń ekpini - 15-20 m/s.
Kúndiz Qyzylorda oblysynyń ortalyǵynda, shyǵysynda, ońtústiginde jáne Qyzylordada naızaǵaı oınaıdy dep kútiledi. Kúndiz oblystyń ortalyǵynda soltústikten, soltústik-batystan soqqan jeldiń ekpini 15-20 m/s quraıdy. Oblystyń ortalyǵynda, ońtústiginde tótenshe órt qaýpi saqtalady.
Pavlodar oblysynyń soltústiginde, shyǵysynda nóser jańbyr jaýady dep boljanady. Naızaǵaı oınap, kúndiz oblystyń soltústiginde, shyǵysynda burshaq jaýady. Kúndiz oblystyń soltústiginde, shyǵysynda soltústik-batystan soqqan jeldiń ekpini 15-20 m/s quraıdy. Oblystyń shyǵysynda órt qaýpi joǵary. Pavlodarda naızaǵaı bolady dep boljanady.
Batys Qazaqstan oblysynyń batysynda, ońtústiginde aptap ystyq bolady: +35°C deıin. Oblystyń batysynda, ońtústiginde, soltústiginde órt qaýpi joǵary. Oral qalasynda órt qaýpi joǵary.
Aqmola oblysynyń soltústiginde, shyǵysynda nóser jańbyr, burshaq jaýady, daýyl turady dep kútiledi. Oblystyń basym bóliginde naızaǵaı oınap, kún raıy buzylady. Oblystyń soltústiginde, shyǵysynda soltústik-batystan soqqan jeldiń ekpini - 15-20 m/s. Kókshetaýda, boljam boıynsha, naızaǵaı jaýady.
Ulytaý oblysynyń soltústiginde, shyǵysynda, ortalyǵynda naızaǵaı oınap, kún raıy buzylady dep kútiledi. Kúndiz oblystyń soltústiginde, shyǵysynda soltústikten, soltústik-batystan soqqan jeldiń ekpini 15-20 m/s quraıdy. Oblystyń batysynda órt qaýpi joǵary. Jezqazǵanda naızaǵaı jarqyldaıdy.
Qaraǵandy oblysynyń batysynda, soltústiginde, shyǵysynda nóser jańbyr, burshaq jaýady, daýyl turady, naızaǵaı oınaıdy dep kútiledi. Kúndiz oblystyń ońtústiginde, shyǵysynda ońtústik-batystan, batystan soqqan jeldiń ekpini 15-20 m/s quraıdy. Qaraǵandyda kúndiz naızaǵaı oınap, burshaq, qatty jańbyr jaýady dep kútiledi.