Qonys aýdarýshylar Reseı, AQSH, Polsha men Qyrǵyzstanǵa bet alǵan.
Qazaqstannan shet elderge kóship jatqandardyń qatary artqan, dep habarlaıdy Almaty-akshamy.kz
Bıylǵy qańtar-naýryz aılarynda Qazaqstannyń 3 800 azamaty shet memleketterge kóship ketken. Bul – ótken jylmen salystyrǵanda, 42 paıyzǵa kóp.
Esesine, elge kelgenderdiń sany 7,5 myńǵa jetken.
Ranking.kz saıtynyń málimetinshe, Qazaqstanǵa jurt kóbine kórshi Reseıden kóship keledi eken. Olardyń birqatary Almaty qalasyna turaqtaǵan.
Al elden ketkenderdiń kóbi Reseı, AQSH, Polsha jáne Qyrǵyzstanǵa bet alǵan. Ózge elde jumys istegisi kelgender – 15 jastan asqan jáne joǵary bilimi bar azamattar.
Máselen, emıgranttardyń 392-si tehnıkalyq salany támamdasa, 135-i pedagogıkalyq mamandyqtar boıynsha oqý bitirgen. Olardyń qatarynda sáýlet-qurylys pen zańger mamandyǵynda bilim alǵan jandar da bar.