Jarty jylda 12 myńǵa jýyq zańbuzýshylyq tirkelgen.
Eski jıhazdar men qurylys qaldyqtaryn qoqys alańdarynda qaldyrýǵa tyıym salynady, dep habarlaıdy Almaty-akshamy.kz
Almatyda búgingi tańda konteınerlik alańdardyń irgeles aýmaqtarynda iri kólemdi qoqystardy jınaý ózekti másele.
"Turǵyndar eski jıHazdy, isten shyqqan turmystyq tehnıkany, santehnıkalyq buıymdardy jáne taǵy basqalardy qaldyrady. Sonymen qatar, jóndeý jumystarynan keıin qurylys qaldyqtaryn qoqys jáshikteriniń janynan tabýǵa bolady. Mysaly, plıtkalar, eski esik jaqtaýlary men kenepter, kirpishter jáne taǵy basqalary bul alańnyń bitelýine jáne basqa turmystyq qaldyqtardyń jınalýyna ákeledi", dep málimdedi Almaty qalasynyń ákimdigi.
Qoqys jınaıtyn mashınalar úlken kólemdegi qoqystar men qurylys qaldyqtaryn shyǵara almaıdy. Óıtkeni bul tehnıkanyń presteý apparatyn isten shyǵarýy múmkin, – dep tolyqtyrdy vedomstvo.
«Komýnaldyq qaldyqtardy basqarý erejelerine» sáıkes, jyljymaıtyn obektilerdi salýdy jáne (nemese) jóndeýdi júzege asyratyn jeke jáne zańdy tulǵalar Qurylys jáne iri kólemdi qaldyqtardy (jıhaz, turmystyq tehnıka) arnaıy bólingen oryndarǵa óz betinshe áketýi qajet.
Almaty qalasynyń aýmaǵyn abattandyrý erejelerine» sáıkes, iri kólemdi qoqystardy (qaldyqtardy) shyǵarýdy iri kólemdi qoqystardy áketý sharty negizinde kásiporyndardyń, mekemelerdiń jáne jeke tulǵalardyń ózderi nemese qoqys shyǵaratyn kásiporyndar júrgizedi. Úıde jóndeý jumystaryn júrgizetin turǵyndar, sondaı-aq iri kólemdi qoqystar paıda bolǵan kezde mamandandyrylǵan uıymdarǵa habarlasyp, aqyly tehnıkany shaqyrýy nemese qaldyqtardy polıgonǵa óz betinshe shyǵarýy qajet. Polıgondar Almaty oblysynda, İle aýdanynda jáne Qarasaı aýdany Aıteı aýylynda ornalasqan.
«Ákimshilik quqyq buzýshylyq týraly» QR Kodeksiniń 505-babyna sáıkes, abattandyrý qaǵıdalaryn buzý jeke tulǵalarǵa – 20 AEK, shaǵyn kásipkerlik sýbektilerine nemese komersıalyq emes uıymdarǵa – 30 AEK, orta kásipkerlik sýbektilerine – 40 AEK, iri kásipkerlik sýbektilerine – 20 AEK mólsherinde eskertý jasaýǵa nemese aıyppul salýǵa ákep soǵatynyn eskerý qajet.
Almaty PD aqparaty boıynsha, osy bapqa qatysty qalany abattandyrý erejelerin buzǵany, ınfraqurylym obektilerin jáne jasyl jelekterdi qıratqany ári búldirgeni úshin 2024 jyldyń 6 aıynda 11 577 zańbuzýshylyq tirkelip, 32 749 200 teńgege aıyppul salyndy.