Jınalysta ata-analardyń bala ómirindegi, sondaı-aq onlaın keńistiktegi qaýipsizdigine qatysty jaýapkershiligi týraly sóz qozǵalady.
Ata-analarǵa qaýip-qaterlerdi der kezinde qalaı anyqtaý jáne olardy boldyrmaý úshin qandaı sharalar qoldaný kerektigi týraly qadamdyq usynymdar beriledi, dep habarlaıdy aqshamnews.kz.
Olardyń ishinde - balanyń minez-qulqyn baqylaý, áleýmettik jelilerdegi belsendilik monıtorıńi, mektep ortasyndaǵy qurdastarymen qarym-qatynasy kiredi. Budan bólek, mamandar balamen turaqty qarym-qatynas jasaýdyń, ashyq dıalog úshin senimdi orta qurýdyń jáne ata-analardyń balasynyń ómirine udaıy qatysýynyń mańyzdylyǵyna nazar aýdardy.
«Bala qaýipsizdigi ata-ana, pedagog, árbir eresek adam úshin basymdyqqa ıe bolýy tıis. Balamen ashyq dıalog qurý, onyń ómirine udaıy qatysyp otyrý, sıfrlyq qurylǵylardy baqylaý jáne balamen qaýipsizdik taqyrybynda áńgimelesý - bul problemalardyń aldyn alýǵa kómektesetin negizgi qadamdar. Ata-analardyń mindeti tek balanyń júris-turysyn baqylap qana qoımaı, sonymen qatar óz balasymen ony árqashan tyńdaýǵa jáne kómektesýge daıyn ekenin bildiretin senimdi qarym-qatynas qalyptastyrý. Bala bizdiń bolashaǵymyz, olardyń salamattylyǵyn saqtaý tikeleı bizge baılanysty», - dep atap ótti QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova.
Esterińizge sala keteıik, bıylǵy oqý jylynan bastap bilim berý uıymdarynda apta saıyn synyp saǵattary aıasynda «Qaýipsizdik sabaqtary» ótýde, sabaq kezinde ınternettegi táýekelden qorǵaný, ózin-ózi saqtaý daǵdylaryn damytý jáne túrli qaýip-qaterler jaǵdaıynda durys áreket etý taqyryptary qamtylýda. Sondaı-aq balalar men ata-analar jáne pedagogter úshin psıhologıalyq, quqyqtyq jáne ádistemelik keńes alýǵa bolatyn psıhologıalyq qoldaý ortalyqtary ashyldy. Al balalarǵa jasalǵan qatygezdikke kýá bolsańyz, táýlik boıy qyzmet etetin «111» nómirine habarlasýǵa bolady.