Jýyrda QR UQK qurmetti qyzmetkeri, UQK organdarynyń eńbek sińirgen ardageri, «QR Ulttyq qaýipsizdik komıteti organdarynyń ardagerleri» qoǵamdyq birlestiginiń Almaty qalasy boıynsha burynǵy tóraǵasy polkovnık Abdýmálik Raıymqulovty eske alýǵa arnalǵan bılárdtan týrnır ótti.
Atalmysh shara Astana qalasynda uıymdastyryldy. Týrnır «QR Ulttyq qaýipsizdik komıteti organdarynyń ardagerleri» respýblıkalyq – qoǵamdyq birlestiginiń qoldaýymen júzege asyryldy. Oǵan Abdýmálik Raıymqululynyń kózin kórgen, birge qyzmettes bolǵan bir top ardagerler keldi. Generaldar: Janat Jarasov, Tursyn Aıjolov, Naǵashybaı Atshabarov jáne taǵy basqalary keldi.
Aldymen jarys bastalmaı turyp, aq dastarhan jaıylyp marqumǵa arnalyp quran baǵyshtaldy. Jınalǵandar polkovnık Abdýmálik Raıymqulovty eske alyp, birge qyzmet atqarý kezindegi estelikterimen bólisti.
- Polkovnık A. Raıymqulovtyń qyzmettik jáne ómirlik baı tájirıbesi, kásibı joly kóptegen býyn qyzmetkerleri úshin Otanǵa qyzmet etýdiń jarqyn úlgisi bolyp qala bermek. Qarapaıym, zıaly, saýatty azamat bolatyn, adamgershilik qasıeti de joǵary edi. Onyń eshqashan bireýge daýys kóterip sóılegenin kórgenim joq,-deıdi general – maıor Tursyn Aıjolov.
QR Ulttyq qaýipsizdik komıteti organdarynyń ardagerleri» respýblıkalyq – qoǵamdyq birlestiginiń Tóraǵasy polkovnık Kenjebolat Beknazarov ta óz oıymen bólisti.
- Abdýmálik Raıymqululynyń qazasy barlyǵymyzdyń qabyrǵamyzdy qaıystyrdy. Bıyl 16 shildede sum ajal aramyzdan ardaqty ardagerimizdi alyp ketti. Kimmen qyzmet atqarmasyn barlyǵy onyń jaqsy qasıetterin eske alady. Ásirese, Almatydaǵy ardagerler uıymyn jaqsy basqardy. Barlyq jumystardyń basy-qasynda bolatyn. Ol bizdiń máńgi júregimizde,-dep esine aldy.
Bılárd týrnıry tartysty ótti. Ardagerler oıyn kórkin qyzdyra tústi. Týrnır sońynda jeńimpazdarǵa Kýbok pen gramotalar jáne baǵaly syılyqtar tabys etildi.
- Ákemdi eske alyp kelgenderine kóp rahmet. Osy shara aldaǵy jyldary da osy jarys óz jalǵasyn tabatynyna senimdimin. Barshalaryńyzǵa zor densaýlyq, uzaq ómir tileımin. Aǵa býyn ókilderine myń alǵys,-degen sózdermen uly Azat Raıymqulov sharany qorytyndylady.