Áskerı qyzmetshiler mınasyzdandyrýdyń qyr-syryn úırenip jatyr.
Qazaqstan Respýblıkasy Qarýly Kúshterinde bitimgerlik qyzmetti damytý men onyń sheńberin keńeıtý aıasynda Qonaev garnızonyndaǵy Mınasyzdandyrý ortalyǵynda «Jarylmaǵan oq-dárilerdi zalalsyzdandyrý» atty pılottyq kýrs ótip jatyr, dep habarlaıdy Almaty-akshamy.kz QR Qorǵanys mınıstrligine silteme jasap.
BUU-nyń Bitimgerlik operasıalar departamenti sarapshylarynyń qatysýymen uıymdastyrylǵan trenıńke ár óńirden kelgen Qazaqstan Qarýly Kúshteriniń 20-dan astam áskerı qyzmetshisi qatysýda.
Kýrstyń negizgi maqsaty – jeke quramdy bitimgerlik mısıa nemese operasıa jaǵdaıynda mınasyzdandyrý toptarynyń jumys standarttarymen jáne erejelerimen tanystyrý.
Sabaq barysynda áskerı qyzmetshiler mınasyzdandyrý bólimshelerin qamtamasyz etýdi josparlaý, uıymdastyrý jáne olardy qoldaný erejelerin zerdeleıdi.
Kýrs qorytyndysy boıynsha Bitimgerlik operasıalar departamentiniń ókilderi baǵa berip, kýrsqa BUU-nyń standarttaryna sáıkestik sertıfıkat berý múmkindigin qarastyratyn bolady.