Almatynyń «Abaı» alańynda uıymdastyrylyp otyrǵan «Tartyl Fest» respýblıkalyq týrnıkte tartylý festıvaline qalamyzdyń turǵyndarynan bólek, elimizdiń ár aımaǵynan kelgen qatysýshylar da baqtaryn synady. Onyń biri 19 jasar Ýalıhan Muqanov esimdi azamat. Ol tarıhy tereń Taraz qalasynan Almatyǵa arnaıy kelgen.
«Nurlan Qoıanbaev aǵamyzdyń áleýmettik jelisinen osy jarys jaıly estidim. Qatysýǵa qatty qyzǵýshylyq tanyttym. Osylaısha ásem qala Amatydan bir-aq shyqtym. Jas bolǵandyqtan sporttyq sharalarǵa qatysqandy jaqsy kóremin. Búgin nátıjeli óner kórsetem degen senimdemin. Osy is-sharanyń arqasynda jaqsy jigittermen de tanys boldym. Salmaǵym 50 keli bolǵandyqtan qatarlastarym kóp bolsa da, jeńiske jetemin degen úmitim bar»,–deıdi saıysqa qatysýshy Ýalıhan Muqanov.
