Qatty jańbyr jaýyp, ekpindi jel soǵady
4 tamyzda elimizdiń birqatar óńirinde qatty jańbyr jaýyp, ekpindi jel soǵady, dep habarlaıdy Almaty-akshamy.kz «Qazgıdromet» RMK-ǵa silteme jasap. 4 tamyzda Túrkistan oblysynyń soltústiginde, taýly aýdandarynda naızaǵaı oınap, daýyl turady. Jel soltústik-batystan soǵady, kún kúrkiregende jeldiń ekpini 15-20 m/s-qa jetedi. Kúndiz Batys Qazaqstan oblysynda 35 gradýs aptap ystyq bolýy yqtımal. Qyzylorda oblysynyń soltústiginde, shyǵysynda kún kúrkirep, daýyl kútiledi. Jel soltústikten soǵady, kúndiz oblystyń soltústiginde jeldiń ekpini – 15-20 m/s. Oblystyń basym bóliginde tótenshe órt qaýpi saqtalady. Ulytaý oblysynyń ortalyǵynda jáne ońtústiginde naızaǵaı oınaıdy. Jel shyǵystan soǵady, naızaǵaı kezinde ekpini 15-20 m/s-qa jetedi. Jezqazǵan qalasynda tańerteń jáne kúndiz kún kúrkireıdi. Jel shyǵystan soǵady, naızaǵaı kezinde ekpini – 15 m/s. Qaraǵandy oblysynyń ortalyǵynda, ońtústiginde jáne shyǵysynda kún kúrkireıdi. Soltústik-shyǵystan, shyǵystan jel soǵady, naızaǵaı kezinde ekpini 18-23 m/s-qa jetedi. Qaraǵandy qalasynda keı ýaqytta naızaǵaı oınaıdy. Soltústik-shyǵystan, shyǵystan jel soǵady, naızaǵaı kezinde ekpini –18 m/s. Kúndiz Jetisý oblysynyń taýly aýdandarynda qatty jańbyr, naızaǵaı kútiledi. Ońtústik-batystan jel soǵady, naızaǵaı kezinde ekpini 15-20 m/s-qa jetedi. Taldyqorǵan qalasynda naızaǵaı oınaıdy.