2025 jylǵy 14 aqpanda QR Prezıdenti janyndaǵy Ortalyq komýnıkasıalar qyzmetinde «Sý tasqyny kezeńine daıyndyq týraly» taqyrybynda baspasóz konferensıasy ótti. Spıker retinde QR TJM Tótenshe jaǵdaılardyń aldyn alý komıteti tóraǵasynyń mindetin atqarýshy Jylqaıdarov Áset Dýmanuly qatysty, dep
Tótenshe jaǵdaılar mınıstrligi ortalyq memlekettik jáne jergilikti atqarýshy organdarmen birlesip sý tasqyny kezeńine daıyndyq jónindegi is sharalar keshenin jalǵastyrýda.
Sý tasqynynyń boljamdy táýekelderine baılanysty ońtústik jáne batys óńirlerde ornalasqan ýchaskelerde jaǵdaıdy baqylaıtyn jáne qalyptasqan jaǵdaı týraly ózekti aqparatty beretin táýlik boıy qyzmet atqaratyn beketter qoıyldy.
«Jaǵdaı nasharlaǵan kezde biz zardap shekken óńirlerge qosymsha kúshter men quraldardy jedel jetkizemiz, sondaı-aq halyqty evakýasıalaýǵa jáne avarıalyq-qutqarý jumystaryn júrgizýge daıyndalamyz», - dep Áset Jylqaıdarov habarlady.
Daıyndyq sheńberinde azamattyq qorǵanystyń áskerı bólimderi joǵary daıyndyqqa keltirildi, jedel kezekshilikte qutqarý avıasıasy bar. Táýlik boıy rejımde TJM jedel sý tasqynyna qarsy shtaby jumys isteıdi, oǵan İİM, Qorǵanysmıni, UU, Qazgıdromet, Qazsýshar jáne Qazavtojol sıaqty negizgi memlekettik organdardyń mamandary tartylǵan. Sondaı-aq is-qımyldardy jedel úılestirý úshin óńirlerde osyndaı shtabtar da jumys isteıdi.
Jedeldikti jaqsartý úshin komandalyq-shtabtyq mashınalar bazasynda jedel basqarý toptary quryldy, ol yqtımal tótenshe jaǵdaılar aımaqtarynan naqty ýaqyt rejıminde aqparatty berýge múmkindik beredi. Sondaı-aq jedel den qoıý úshin kúshter men quraldar rezervi daıyndaldy. Sondaı-aq jedel den qoıý úshin kúshter men quraldar rezervi daıyndaldy.
Qazgıdromettiń aldyn ala boljamy boıynsha 9 óńirde (Aqtóbe, Abaı, Aqmola, SHQO, BQO, Qaraǵandy, Ulytaý, SQO, Qostanaı oblystary) joǵary sý basý qaýpi kútilýde. TJM sý tasqyny saldaryn azaıtý jáne azamattardyń qaýipsizdigin qamtamasyz etý úshin barlyq qajetti sharalardy qabyldaýǵa daıyn.