Bul týraly Ekologıa jáne tabıǵı resýrstar vıse-mınıstri Ǵalıdolla Azıdýllın aıtty.
Qazaqstanda 471 gıdrotehnıkalyq qurylysty jóndeýden ótkizý qajet, dep habarlaıdy Almaty-akshamy.kz
Ortalyq komýnıkasıalar qyzmetinde ótken baspasóz máslıhatynda vıse-mınıstr respýblıkalyq balanstaǵy gıdrotehnıkalyq qurylystardyń sý tasqyny kezeńine daıyndyǵy baıandady.
Onyń aıtýynsha, respýblıka aýmaǵynda barlyǵy 1806 tirek gıdrotehnıkalyq qurylys bar. Respýblıkalyq menshikte – 536, komýnaldyq menshikte – 1011, jeke menshikte – 239, ıesiz – 20.
"Bıyl qańtar aıyndaǵy jaǵdaı boıynsha 1322 gıdrotehnıkalyq qurylys zertteldi. 471 nysan jóndeýdi talap etetini anyqtaldy, onyń 327–si komýnaldyq menshikte, respýblıkalyq menshikte – 94, jeke menshikte – 44, altaýy – ıesiz", - dedi Azıdýllın.
Ekologıa mınıstrligi sý tasqyny kezeńin qaýipsiz ótkizý jáne qajetti ınertti materıaldar men tehnıkany daıyndaý úshin jergilikti atqarýshy organdarǵa tıisti is-sharalardy ótkizý týraly usynymdar jiberdi.
Sondaı-aq ol respýblıka aýmaǵyndaǵy iri sý qoımalardyń ortasha tolý kórsetkishi 60-75%-ti quraıtynyn atap ótti.
"İri sý qoımalaryna aǵynnyń kútiletin kólemi – norma sheginde. Barlyq sý qoımasynda sý qabyldaýǵa arnalǵan bos kólemder bar. Sý qoımalary bekitilgen jumys rejımine sáıkes jumys istep jatyr", - dedi vıse-mınıstr.