Qazgıdromet aýa raıyna baılanysty elimizdiń 17 óńirinde eskertý jarıalady, dep habarlaıdy Almaty-akshamy.kz.
Sınoptıkterdiń boljamy boıynsha, 25 tamyzda Almatyda kúndiz 35 gradýsqa deıin qatty ystyq bolady. Órt qaýpi áli de joǵary.
Abaı oblysynyń ortalyǵynda naızaǵaı oınaıdy. Kúndiz oblystyń soltústiginde, batysynda burshaq jaýady. Ońtústikten soǵatyn jel soltústik-batysqa aýysady, ekpini – 25 m/s. Kúndiz oblystyń ońtústiginde 35 gradýsqa deıin qatty ystyq kútiledi. Órt qaýpi áli de joǵary.
Semeıde naızaǵaı jarqyldaıdy. Ońtústikten soǵatyn jel soltústik-batysqa aýysady, ekpini – 15-20 m/s. Órt qaýpi joǵary.
Aqmola oblysynyń soltústigi men shyǵysynda túnde jáne tańerteń naızaǵaı oınaıdy. Túnde jáne tańerteń oblystyń batysynda tuman túsedi. Soltústik-batystan soǵatyn jel túnde jáne tańerteń soltústikke, oblystyń shyǵysyna aýysady, ekpini – 15-20 m/s.
Kúndiz Aqtóbe oblysynyń soltústigi men batysynda naızaǵaı oınaıdy. Soltústik-batystan soǵatyn jeldiń ekpini – 15-20 m/s. Oblystyń batysynda, shyǵysynda, ońtústiginde tótenshe órt qaýpi saqtalady. Aqtóbede kúndiz naızaǵaı jarqyldaıdy.
Almaty oblysynyń basym bóliginde kúndiz 35-37 gradýs ystyq saqtalady. Oblystyń soltústik jartysynda tótenshe órt qaýpi, ońtústik jartysynda joǵary órt qaýpi bar. Qonaevta kúndiz 35-36 gradýs ystyq bolady. Órt qaýpi saqtalady.
Atyraý oblysynyń soltústigi men batysynda naızaǵaı jarqyldaıdy. Soltústik-batystan soǵatyn jel ekpini – 15-20 m/s. Oblystyń batysynda, ońtústiginde, shyǵysynda tótenshe órt qaýpi bar. Atyraýda tótenshe órt qaýpi saqtalady.
Shyǵys Qazaqstan oblysynyń soltústiginde, batysynda, shyǵysynda naızaǵaı oınaıdy. Kúndiz oblystyń soltústiginde, shyǵysynda burshaq jaýady. Órt qaýpi áli de joǵary. Óskemende kúndiz naızaǵaı kútiledi. Tańerteń jáne kúndiz ońtústik-shyǵystan soǵatyn jeldiń ekpini – 15-20 m/s.
Jambyl oblysynyń taýly aımaqtarynda naızaǵaı oınaıdy. Soltústik-batystan soǵatyn jel soltústik-shyǵysqa aýysady, kúndiz oblystyń taýly aımaqtarynda ekpini 15-20 m/s bolady. Órt qaýpi saqtalady.
Jetisý oblysynyń taýly aımaqtarynda naızaǵaı oınaıdy. Ońtústik-batystan soǵatyn jeldiń ekpini –15-20 m/s. Kúndiz oblystyń basym bóliginde 35-36 gradýs qatty ystyq saqtalady. Batysta, oblys ortalyǵynda tótenshe órt qaýpi bar. Taldyqorǵanda kúndiz 35-36 gradýs qatty ystyq saqtalady.
Batys Qazaqstan oblysynyń batysynda, soltústiginde, kúndiz shyǵysynda naızaǵaı oınaıdy. Soltústik-batystan, soltústikten jel soǵady, kúndizgi ekpini – 15-20 m/s. Soltústikte, oblys ortalyǵynda joǵary órt qaýpi saqtalady. Oblystyń ońtústik-batysynda, shyǵysynda tótenshe órt qaýpi bar. Oralda kúndiz naızaǵaı jarqyldaıdy.
Qaraǵandy oblysynyń soltústiginde, shyǵysynda naızaǵaı oınap, burshaq jaýýy múmkin. Kúndiz soltústik-batystan soǵatyn jeldiń ekpini 15-20 m/s jetedi. Ońtústikte, oblys ortalyǵynda joǵary órt qaýpi saqtalady. Qaraǵandyda túnde jáne tańerteń naızaǵaı oınaıdy.
Qostanaı oblysynyń ortalyǵynda naızaǵaı jarqyldaıdy. Kúndiz oblys ortalyǵynda burshaq jaýady. Túnde jáne tańerteń oblystyń soltústigi men shyǵysynda tuman túsedi. Jel soltústik-batystan, batystan soǵady, ekpini –15-20 m/s. Oblystyń ońtústiginde tótenshe órt qaýpi saqtalady. Qostanaıda túnde naızaǵaı oınaıdy.
Qyzylorda oblysynda kúndiz batysta, oblys ortalyǵynda soltústik-shyǵystan jel soǵady, kúshi –15-20 m/s. Aýdannyń basym bóliginde tótenshe órt qaýpi saqtalady.
Mańǵystaý oblysynyń batysynda jáne soltústiginde naızaǵaı oınaıdy, kúndiz burshaq jaýýy múmkin. Kúndiz oblystyń soltústik-shyǵysynda shańdy daýyl soǵady. Kúndiz soltústik-batystan soǵatyn jel ekpini –15-20 m/s. Aýdannyń basym bóliginde tótenshe órt qaýpi saqtalady. Aqtaýda kúndiz naızaǵaı oınaıdy.
Pavlodar oblysynyń ortalyǵynda qatty jańbyr jaýady. Ońtústikte, shyǵysta, oblys ortalyǵynda naızaǵaı oınaıdy. Soltústik-batystan soǵatyn jeldiń ekpini – 15-20 m/s. Oblystyń batysynda joǵary órt qaýpi saqtalady. Pavlodarda túnde jáne tańerteń qatty jańbyr jaýyp, naızaǵaı oınaıdy. Soltústik-batystan soǵatyn jeldiń ekpini – 15-20 m/s.
Soltústik Qazaqstan oblysynyń soltústiginde, shyǵysynda naızaǵaı oınap, burshaq jaýýy múmkin. Túnde jáne tańerteń oblystyń batysynda tuman túsedi. Jel soltústik-batystan, batystan soǵady, ekpini – 15-20 m/s. Petropavlda kúndiz naızaǵaı oınaıdy. Jel soltústik-batystan, batystan soǵady, kúndizgi ekpini – 15-20 m/s.
Kúndiz Ulytaý oblysynyń ońtústiginde, shyǵysynda soltústik-batystan jel soǵady, ekpini 15-20 m/s bolady. Aýdannyń basym bóliginde joǵary órt qaýpi bar.