Uıymǵa qatysýshy elder Argentına, Mysyr, Iran, Efıopıa, BAÁ, Saýd Arabıasyn BRIKS-tiń tolyq múshesi bolýǵa shaqyrdy.
Búgin ótip jatqan 15-sammıttiń qorytyndysy boıynsha BRIKS-ke múshe elder (Brazılıa, Reseı, Úndistan, Qytaı jáne Ońtústik Afrıka) Iohannesbýrg deklarasıasyn qabyldady. Sondaı-aq, 2024 jyldan bastap jańa alty memleket uıymǵa múshe bolady, dep habarlaıdy Almaty-akshamy.kz.
Iohannesbýrg deklarasıasy ártúrli máselelerdi qamtıdy. Aıta keterligi, 15-shi BRIKS samıti pandemıadan keıin alǵash ret oflaın formatta ótip otyr.
"BRIKS jahandyq qarjylyq arhıtektýranyń turaqtylyǵy men ony arttyrýdyń jańa múmkindikterin qarastyrýǵa daıyn. Osyǵan baılanysty BRIKS qatysýshy memleketter ózderiniń qarjy mınıstrlerine ulttyq valútamen jumys isteıtin túrli tólem qarjy quraldary máselesin qaraýdy tapsyrdy. Samıtte adamdar arasyndaǵy baılanystyń mańyzy jáne ózara túsinistik, dostyq pen yntymaqtastyqtyń artqany rastaldy", - dedi Ońtústik Afrıka Prezıdenti Kırıll Ramapoza.
Sondaı-aq, uıymǵa qatysýshy elder Argentına, Mysyr, Iran, Efıopıa, BAÁ, Saýd Arabıasyn BRIKS-tiń tolyq múshesi bolýǵa shaqyrdy. Olardyń músheligi 2024 jyldan bastalady.