Elimizde Pákistanǵa tikeleı ushatyn reıs ashyldy. Almaty-Lahor baǵytyndaǵy áýe kemesi 8 shilde kúni alǵashqy jolaýshylaryn tasymaldady, dep habarlaıdy Almaty-akshamy. kz
Avıakompanıa basshylyǵy usynǵan aqparatqa sáıkes, Boeing-737 ushaǵy aptasyna 2 ret, sársenbi jáne senbi kúni qatynaıdy. Ushý ýaqyty - 2,5 saǵat.
«Bul bastama eki el arasyndaǵy áýe qatynasyn nyǵaıtyp qana qoımaı, saýda-ekonomıkalyq, ınvestısıalyq, týrısik jáne mádenı yntymaqtastyqty damytýdy jedeldetedi», delingen Almaty halyqaralyq áýejaıy taratqan aqparatta.
Aıta keteıik, jańa reıstiń ashylatyny týraly Memleket basshysy Qasym-Jomart Toqaev pen Pákistan Premer-mınıstri Shahbaz Sharıftiń telefon arqyly yntymaqtastyq máselesin talqylaýynan keıin belgili boldy. Keıin elimizdiń Indýstrıa jáne ınfraqurylymdyq damý mınıstrliginiń Azamattyq avıasıa komıteti Pákistannyń avıasıalyq bılik organdarymen birlesip, turaqty jolaýshylar reısin ashý máselesin qolǵa alǵan edi.