QMA munaı ónimderiniń zańsyz aınalymy boıynsha 35 qylmystyq is qozǵady.
Jyl basynan bergi zańsyz aınalymda quny 4 mlrd teńge bolatyn 20 myń tonna munaı ónimder tasymaldanǵan, dep habarlaıdy Almaty-akshamy.kz QMA baspasóz qyzmetine silteme jasap.
Jambyl oblysynan Qyrǵyz Respýblıkasyna eksporttamaq bolǵan kezde ustalǵan 5 temirjol sısternasy qujattarda lak ketiretin eritkish retinde kórsetilgenmen, is júzinde AI-92 markaly benzın bolǵan. Tárkilengen janar-jaǵarmaıdyń jalpy somasy shamamen 60 mıllıon teńgeni qurady.
Pavlodar oblysynda «organıkalyq eritkish» degen jalǵan ataýmen Reseı Federasıasyna eksporttamaq bolǵan dızel otyny bar 4 temirjol sısternasy ustaldy. Sondaı-aq Pavlodar oblysynda JSHS dırektory rastaıtyn qujatsyz 660 tonnadan astam mazýtty 76 mln teńgege satqan.
Buǵan deıin 2021 jyly Atyraý oblysynda eki kompanıanyń dırektory jalpy sany 6 myń tonnaǵa jýyq dızel otynyn satyp alyp, ony 1,8 mıllıard teńgege zańsyz satqan.
Agenttik taratqan aqparatqa sáıkes, sotqa deıingi tergep-tekserý aıasynda janar-jaǵarmaıdyń shyǵý kózderi men onyń aınalymyna qatysy bar tulǵalar anyqtalýda.