Baǵdarlamaǵa jeke menshik kolejderdiń stýdentteri de qatysa alady.
Elimizdegi kolej stýdentteri úshin almasý baǵdarlamasy boıynsha Germanıada bilim alýǵa múmkindik beriledi, dep habarlaıdy Almaty-akshamy.kz
QR Oqý-aǵartý mınıstrliginiń «Talap» KEAQ pen «Fav service gGmbH» nemis kompanıasy osy týraly kelisimge keldi.
Vedomstvonyń málimetinshe, taraptar Qazaqstanda tehnıkalyq jáne kásiptik bilim berýdi damytýǵa baǵyttalǵan birlesken is-sharalardy uıymdastyrýdy josparlap otyr.
Qazaqstandyq stýdentterge Germanıanyń 60 myń óndiristik kásipornynyń kez kelgeninde taǵylymdamadan ótýge múmkindik beretin dýaldy bilim berý baǵdarlamasyna erekshe nazar aýdarylatyn bolady.
«Qazirgi ýaqytta Túrıngıa qalasyndaǵy kolejdermen yntymaqtastyq máselesi pysyqtalýda. Olardyń bilim berý modelin zerdelep, akademıalyq mobıldiligimizdi paıdalanǵannan keıin, almasý baǵdarlamasyna mektep túlekteri, kolej stýdentteri qatysa alady», - dedi Oqý-aǵartý mınıstrligi tehnıkalyq jáne kásiptik bilim departamentiniń dırektory Áset Muhanbetov.
Baǵdarlamaǵa jeke menshik kolejderdiń stýdentteri de qatysa alady. Sondaı-aq kolej pedagogteri úshin oqytý semınarlaryn ótkizý josparlanýda.