Eń kóp jumyssyzdar sany Almaty qalasy (52,5 myń adam), Túrkistan (41,7 myń adam) jáne Almaty oblystarynda (34,8 myń adam) boldy. Eń az jumyssyzdar Ulytaý (4,4 myń adam), Soltústik Qazaqstan (13,8 myń adam) jáne Abaı (14,8 myń adam) oblystarynda tirkelgen.
Jumyssyzdardyń basym bóligi 1 aıdan 3 aıǵa deıin jumys izdep júrgen. 113,5 myń adam bir aıdan az, 109,5 myń adam 3 aıdan 6 aıǵa deıin, 57,2 myń adam 6 aıdan 12 aıǵa deıin, 54,7 myń adam bir jyldan astam jumys izdegen. 732 adam kásip bastaǵan
94,7 myń jumyssyz óz erkimen, 88,9 myń adam otbasylyq jaǵdaıyna baılanysty jumyssyz qaldy. 45,6 myń adam úı sharýasynda, 43,2 myń adam uıymnyń taratylýyna jáne shtattyń qysqartylýyna baılanysty qysqartyldy.
Zeınetkerlikke shyǵýyna baılanysty 2,6 myń adam jumyssyz qaldy. Al bir jyl buryn 8,4 myń adam zeınetke shyqqan. Kúndizgi oqý nysany esebinen 1,2 myń adam jumyssyz qaldy, bul 2022 jylmen salystyrǵanda 63,5% az.
Qazaqstandaǵy jumyssyzdyq deńgeıi – 4,7%. Bir jyl buryn 4,9% bolypty.
Qazaqstanda joǵary bilimdi mamandar barynsha suranysqa ıe bolady degen boljam bar. Joǵary bilimi bar azamattar arasynda jumyssyzdyq deńgeıi – 3,8%, tehnıkalyq jáne kásiptik bilimi barlar – 3,7%, orta kásiptik-arnaıy bilimi barlar 5,6%, bastaýysh kásiptik bilimi barlar – 6%, jalpy orta bilimi barlar – 8,7%, negizgi orta bilimmen – 18,8%, bastaýysh bilimmen – 17,1%.